Ertzainek hiru gizon eta emakume bat atxilotu dituzte gaur goizaldean, Arabako hiriburuko enpresa batean lapurretan harrapatu ondoren. Lapurrek eskailera bat erabili dute instalazioen perimetroko hesiaren gainetik jauzi egiteko, eta horma batean zuloa egin dute barrura sartzeko.
Gaur, asteazkena, goizaldeko ordu biak aldera, Ertzaintzak jakin du intrusio-alarma aktibatu dela Jundiz industrialdeko industria-pabiloi batean.
Herritarrak babesteko lanetan ari ziren Gasteizko Ertzain-etxeko hainbat patruila berehala bertaratu dira adierazitako lekura, eta enpresaren alboko horma batean barrura sartu ahal izateko zulo bat egin dutela egiaztatu dute.
Polizia-dotazioek lekua aztertzen jarraitu dute, eta konturatu dira emakume batek gidatutako furgoneta bat hurbiltzen ari zela atzeko aldera eta azkar-azkar sartu direla burua estalita zuten eta industria-instalaziotik irten berri ziren hiru pertsona.
Ibilgailua ihes egiten saiatu da eta inguruan geldiarazi dute. Ondoren, gidaria, espainiar nazionalitateko 34 urteko emakumea, eta bidaiariak, europar jatorriko 24, 42 eta 50 urteko hiru gizon, identifikatu dituzte. Furgoneta barruan hainbat erreminta zeramatzaten, besteak beste, mazo haundi bat, palankaxka bat, bihurkinak, eta abar, ustez pabiloiko horman zuloa egiteko erabilitakoak. Instalazioen perimetroko hesian bermatuta, eskailera bat aurkitu dute, ustezko lapurrek barrura jauzi egiteko erabilitakoa.
Bertaratu den enpresaren arduradunak ertzain jarduleekin batera egiaztatu du materialen hainbat kaiola behartuta zeudela eta ia hogei bat erreminta-kaxa ohiko lekutik mugituta zeudela. Gainera, kobrezko kable batzuk moztuta zeuden.
Enpresako segurtasun-kamera batzuk jiratuta zeuden ikuspena aldatzeko, eta kanpoko argi-foku batzuk hautsita.
Hori dela eta, lau pertsonak atxilotu dituzte indarra erabiliz lapurreta egitea leporatuta. Emakumeak eta 42 eta 24 urteko gizonek aurrekariak dituzte jabetzaren aurkako egitateengatik, eta azken horrek Bizkaiko epaitegi batek bilatzeko, atxilotzeko eta epaitegira agertzeko emandako agindu bat ere badu indarrean.
Lau pertsonak epailearen eskuetan jarriko dituzte dagozkion polizia-eginbideak amaitzen dituztenean.
26_0325 Gizon bat atxilotu dute gaur goizaldean Irunen aurkitu duten gorpuaren harira Gizon bat atxilotu…
26_0324 Irunen agertutako gorpu bat dela eta ikerketa abiarazi du Ertzaintzak Irunen agertutako gorpu bat…
Hiriko leku berri hau Javier Zubiria arkitekto donostiarrak proiektatu du eta inguruko agenteekin lanean ari…
Apirilaren 29tik maiatzaren 2ra izango da Cristina Enea parkean Lehen aldiz, Donostian ospatuko da Zuhaitzak…
Apirilaren 28a Laneko Segurtasun eta Osasunaren Munduko Eguna da. Lanaren Nazioarteko Erakundeak (LANE) -Laneko Segurtasun…
La justicia vasca ha confirmado la pena de dos años de cárcel y tres de…