Kontsumitzaileen antolakundeei 2026-2027rako laguntzak emateko deialdia argitaratu du Kontsumobidek

Turismo, Merkataritza eta Kontsumo Sailak, Kontsumobide – Kontsumoko Euskal Institutuaren bitartez, Ana María Sánchez zuzendariaren ebazpena argitaratu du. Haren bidez, Euskadiko kontsumitzaileen antolakundeei 2026-2027 ekitaldietarako dirulaguntzak emateko oinarriak arautu eta deialdia egin da.

Deialdiak 2026an finantzatuko ditu Euskadiko kontsumitzaileen elkarteen funtzionamendu-gastuak eta laguntza juridikoa, eta indartu egingo du elkarte horiek herritarren defentsari eta asoziazionismoari ematen dioten laguntza. Aurrekontua, guztira, 505.820 eurokoa da, aurreko urtean bezala: 379.365 euro 2026an ordainduko dira eta 126.455 euro 2027an. Laguntzak lehiaketa bidez emango dira eta bi fasetan ordainduko dira: % 75 2026an eta gainerako % 25a 2027an, dagokion justifikazioa egin ondoren.

Deialdiak bi dirulaguntza-ildo ditu:

• ildoa: “Kontsumitzaileentzako arreta”

Entitateen funtzionamendu orokorretik eratorritako gastuak diruz lagunduko dira, honako jarduera hauek garatzeko:

• Kontsumitzaileen kontsultei erantzutea.
• Erreklamazioak kudeatzea eta kontsumo-harremanei buruzko gatazketan bitartekari-lanak egitea.
• Kontsumitzaileentzako prestakuntza- eta informazio-ekintzak.

• ildoa: “Laguntza juridikoa”

Diruz lagunduko dira antolakundeek kontsumitzaileei ematen dieten laguntza juridikoaren ondoriozko gastuak, hala nola:

• Aholkularitza juridiko propioarekin egindako kontsultak.
• Euskal Autonomia Erkidegoko lurraldean kontsumitzaileen eskubide eta interesak epaiketetan defendatzea.
• Kontsumitzaile guztientzako orientabide juridiko orokorrak.
• Bukarazte-akzioak aurkeztea.

Deialdi berri honen bidez, Eusko Jaurlaritzak kontsumitzaileen elkarteekin duen konpromisoa indartuko du.