Ertzaintzak 23 urtetik 26 urtera bitarteko hiru gizon atxilotu zituen atzo Orion, Zestoan eta Zumaian, pertsona bat legez kontra atxikitzeagatik, jipoitzeagatik eta, jasandako lesioen ondorioz ospitalean zegoen bitartean, lapurreta egiteagatik.
Iazko apirilean gertatu zen. Hiru atxilotuek biktima atzeman zuten Zestoan, bere etxetik irteteko unean, eta, “mataleon” teknika erabiliz, furgoneta batean sartu zuten. Jipoitu ondoren, abandonatuta eta larri zaurituta utzi zuten Debako landa-bide batean. Jasotako ukabilkadek eta ostikadek eragin zioten kommoziotik suspertu zenean, bizilagun bati laguntza eskatu zion, eta honek Ertzaintzara deitu zuen.
Bertaratu ziren agenteek egiaztatu zuten biktimak kolpeak zituela aurpegian eta gorputzean, eta eskuak lotuta egon izanaren ageriko sintomak zituela. Anbulantzia bat eskatu ondoren, osasun-zerbitzuek zauritua ospitalera eraman zuten arreta jaso zezan.
Handik bi egunera, biktimak, ospitalean alta eman ziotenean, egiaztatu zuen erasoaren egunean telefono mugikorra lapurtzeaz gain, bere etxea nahastuta zegoela eta bi erloju eta dirua falta zirela.
Biktimak salaketa jarri ondoren, Ertzaintzak zegozkion kudeaketak hasi zituen gertatutakoa argitzeko eta egileak identifikatzeko. Egindako ikerketari esker, jakin ahal izan zuten espainiar nazionalitateko 23 eta 24 urteko bi gazte eta latinoamerikar jatorriko 26 urteko hirugarren bat zeudela inplikatuta, eta atzo egunean zehar atxilotu zituzten Orion, Zestoan eta Zumaian. Guztiei legearen aurkako atxiloketa, lesioak eragitea eta jendea bizi den etxebizitzan indarrez lapurreta egitea leporatu dizkiete.
Atxilotu guztiek aurrekari biolentoak dituzte, eta polizia-eginbideak amaitutakoan jarriko dituzte epailearen eskuetan.
Hondartzak, Euskara batzordeak Tokiko Gobernu Batzarrak apirilaren 21ean gai hauek onartu ditu: Hondartzak Tokiko Gobernu…
Donostiako Udalak “Zure hiria zaintzen” hezkuntza programaren hirugarren edizioko sari banaketa ekitaldia egin du gaur…
Nuria Rodríguez arloko zinegotzi delegatuak adierazi duenez, «astelehenetik erregularizazioarekin lotutako eskaerak jasotzen ari gara, hala…
Breakdance Herriko Plazan 17:00etatik 18:45etara. Doako sarrera. Breakdance lehiaketa bi modalitatetan jokatuko da. Alde batetik,…
Alkatetzak, Herritarrentzako Arreta Zerbitzuaren (HAZ) bitartez, udaletxera hurbiltzen diren pertsonei informazioa emateko eta izapideak errazteko…
Alkateak azpimarratu du mugikortasun, garbiketa eta larrialdi zerbitzuek ‘oso ondo’ funtzionatu zutela ‘hiriko erronka baten…