Martxoaren 23an, izena emateko epea ireki zen Osakidetzak deitutako 2023-2024-2025eko Enplegu Publikoaren Eskaintzako 9 kategoria profesionaletan. Kategoria horiei dagozkien azterketak 2026ko ekainean egingo dira, BECen (Barakaldo), eta, orain, Osakidetzak horien ordutegiak EPEaren webgunean argitaratu ditu.
Hautaketa-probak BECen egingo dira, ekainaren 19an (ostirala), 20an (larunbata) eta 21ean (igandea), eta hiru ordu-bloketan banatuko dira: 9:30, 13:30 eta 17:30.
Probak leku, egun eta ordu hauetan egingo dira:
| Kategoria | Lekua | Data | Ordua |
| ADMINISTRAZIOKO ETA KUDEAKETAKO GOI-MAILAKO TEKNIKARIA / TÉCNICO SUPERIOR ADMINISTRACIÓN Y GESTIÓN | BEC | 2026/06/19 | 9:30 |
| FISIOTERAPEUTA | BEC | 2026/06/19 | 13:30 |
| LABORATEGIKO TEKNIKARI ESPEZIALISTA / TÉCNICO/A ESPECIALISTA LABORATORIO | BEC | 2026/06/19 | 17:30 |
| ZELADOREA / CELADOR/A | BEC | 2026/06/20 | 9:30 |
| ERIZAINTZAKO LAGUNTZAILEA/ AUXILIAR DE ENFERMERÍA | BEC | 2026/06/20 | 13:30 |
| ZERBITZUETAKO LANGILEA / OPERARIO/A DE SERVICIOS | BEC | 2026/06/20 | 17:30 |
| ERIZAINA | BEC | 2026/06/21 | 9:30 |
| ADMINISTRAZIOKO LAGUNTZAILEA / AUXILIAR ADMINISTRATIVO/A | BEC | 2026/06/21 | 13:30 |
| ADMINISTRARIA | BEC | 2026/06/21 | 17:30 |
Osakidetzako enplegu publikoko eskaintzako deialdi berri honetan, 2023/2024/2025eko EPEan, hainbat berritasun dago aurreko EPEekin alderatuta. Probaren nota gorde ahalko da, eta test motako azterketa bakarra egingo da. Osakidetzak eskuragarri jarri du hautaketa-prozesu bakoitzaren galdera-sorta, hautagaiek errazago presta ditzaten probak.
Osakidetzaren 2023-2024-2025eko EPE berrian, guztira, 5425 lanpostu eskainiko dira (2160 berriak izango dira) 107 lanbide-kategoriatan. Ekainaren 19an, 20an eta 21ean lehen hautaketa-probak egingo dira, 9 lanbide-kategoriakoak izango direnak eta, hain zuzen ere, kategoria horien artean normalean izangai gehien biltzen dituztenak egongo dira.
2023-2024-2025eko EPE honekin, Eusko Jaurlaritzako Osasun Sailak eta Osakidetzak Osakidetzako plantilla egonkortzearen eta sistema publikoa indartzearen alde egindako apostua sendotzen dute, Euskal Osasun Itunetik eratorritako konpromisoekin bat etorriz.
Joan den igandean, apirilaren 12an, Bilboko Ertzain-etxeko agenteek 21 urteko gizon bat atxilotu zuten, telefono…
Ertzaintzako agenteek gizon bat atxilotu dute, orain dela sei egun indarra erabiliz egindako lapurreta bat…
Ertzaintzak 29 urteko gizon bat atxilotu zuen joan den ostegunean Irunen, joko-areto batean makinak manipulatzen…
Ertzainek 24 urteko gizon bat atxilotu dute gaur goizaldean Oiartzunen kalte-delitu bat leporatuta, industrialde batetik…
Alba Delgado Barakaldoko Udaleko Garapen Iraunkorreko eta Ingurune Naturaleko zinegotziak «Hondakinik gabeko jolasaldiak» (Hondakinik gabeko…
Amaia del Campo alkateak gutun bat bidali dio ETS – Euskal Trenbide Sareko zuzendari nagusiari,…