24_0158 Eusko Jaurlaritza eta Iberdrola elkarlanean arituko dira konpainiaren azpiegitura sentikorretan droneak inhibitzeko sistemak instalatu eta kontrolatzeko
Prentsa zerbitzua
2024-03-12
• Bildutako informazioa Ertzaintzak koordinatu eta gainbegiratuko du, balizko mehatxuak neutralizatzeko eta euskal multinazionaleko pertsonen eta azpiegituren babesa bermatzeko
Gobernu Kontseiluak gaurko bileran eman du Eusko Jaurlaritzaren eta Iberdrolaren arteko lankidetza-hitzarmen bat sinatzeko oniritzia. Hitzarmenaren helburua da Euskadin energia sortzen eta merkaturatzen duen konpainiaren eraikin edo azpiegitura sentikorretan tripulaziorik ez duten aireontzien hegaldia, asmo txarrez edo zuhurtziarik gabe egiten dena, eragoztea.
Hitzarmenaren arabera, Iberdrolaren segurtasun-zerbitzuek droneak detektatzeko jarritako eta operatutako sistemek hartutako datuak Ertzaintzari helaraziko zaizkio. Horrela, Ertzaintzak zuzendu, koordinatu eta gainbegiratuta, akordio horrek aukera emango du Euskadiko azpiegitura sentikorren eta pertsonen segurtasunerako era horretako mehatxuak neutralizatzeko esku hartzeko.
Hitzarmenaren esparruan, Jarraipen Batzorde Misto bat eratzea ere erabaki da, egindako jardueren koordinazioa, zaintza eta kontrola errazteko.
26_0292 Euskadiko Larrialdietako Zerbitzuek mendizale bat erreskatatu dute Legazpin Euskadiko Larrialdietako Zerbitzuek mendizale bat erreskatatu…
Ertzainek, Villabonako Udaltzaingoaren laguntzaz, 26 urteko gazte bat atxilotu zuten atzo arratsaldean Villabonan bertan, merkataritza-establezimendu…
Egitarau zabala antolatu da Alderdi Ederren, zaleen gune nagusian eta bi pantaila erraldoi jarriko dira…
Zumarraga, Urretxu, Legazpi, Antzuola eta Ezkio-Itsasoko udalerrietako gizarte-, ekonomia- eta erakunde-eragileetako ia 30 ordezkarik parte…
Imanol Pradales Lehendakariak Red Eléctrica de España-ko ordezkariak hartu ditu Lehendakaritzan. Bileran, halaber, Mikel Jauregi…
Ertzainek 45 urteko gidari bat atxilotu dute gaur goizean Sopelan bide-segurtasunaren aurkako delitu bat leporatuta,…