24_201 Sestaon atxilotu dute indarkeria erabiliz lapurreta egiteagatik
Prentsa Zerbitzua
2024-04-03
Ertzaintzak 31 urteko gizon bat atxilotu du goizaldean Sestaon (Bizkaia), pertsona bati telefono mugikorra lapurtzeagatik. Biktima zaurituta geratu da, kolpeak eta ostikoak eman baitizkio buruan. Atxilotuak, polizia-egoitzara zeramatenean, kalteak egin ditu polizia-ibilgailuan.
Gaur goizaldeko lauak laurden gutxi aldera, herritar batek Ertzaintzari jakinarazi dio bi pertsona borrokan ari zirela Sestaon, eta inplikatuetako batek ihes egin duela bestea jo ondoren eta lurrean etzanda utzita.
Zer gertatu den jakitera hurbildu direnean, konturatu dira lurrean zegoen pertsona konortea erdi galduta eta odoletan zegoela, eta kolpeak zituela buruan. Horren aurrean anbulantzia bat eskatu dute ospitalera eramateko.
Biktima eraman dutenean, agenteak erasotzailearen bila hasi dira, eta inguruko kale batean aurkitu dute biktimaren telefono mugikorrarekin eta 100 euro zituen gutun-azal batekin. Horren aurrean, indarkeria erabiliz lapurreta egitea leporatuta atxilotu dute.
Polizia-egoitzara zeramatenean, arrastatuak jarrera oldarkorra izan du eta kalteak egin ditu ibilgailuaren leihoetako batean. Atxilotua datozen orduetan jarriko dute Guardiako Epaitegiaren eskuetan.
25_0773 Ertzaintzaren Zaintza eta Erreskate Unitateko Mendi Taldeak Mungiako Tallu Mendizale Kirol Klubeko mendiko larrialdi-lantegian…
Bilboko Ertzain-etxeko Ondarearen Arloko Delitu Informatikoen Atalak 4.988,29 euroko iruzur bat blokeatu du. Iruzurgileek, telefono-dei…
Iaz, guztira, Ertzaintzako 444 agente jubilatu ziren, 391 gizon eta 53 emakume. Segurtasun Sailak omenaldia…
25_0770 Euskadiko Larrialdietako Zerbitzuek Oiartzunen, Arditurri meatze-gunean, istripua izan duen mendizale bat erreskatatu dute Euskadiko…
25_0769 Santurtziko taberna baten arduraduna atxilotu dute drogarekin trafikatzeagatik Santurtziko taberna baten arduraduna atxilotu dute…
Ertzaintzak 14, 17 eta 18 urteko hiru gazte atxilotu ditu urrian Bilbon adingabe bati indarkeria…