Irontec Taldeak bere 20. Urteurrena bete zuen pasa den urtean, balio erantsi handiko produktu eta zerbitzu teknologikoak garatzeko enpresa gisa, zehazki IT eremukoak. Bere Bilboko egoitzatik, ingeniaritza teknologikoak softwarea, cloud computing-a, komunikazioak eta zibersegurtasuna garatzen ditu, besteak beste. Gaur egun, 130 langilek osatzen dute enpresa, eta urtean 10 milioi euro inguru fakturatzen ditu. “Asko arduratzen gara gure langileak teknikoki prestatzeaz eta, horrela, konpainiaren espezializazio-maila handitzeaz”, dio Ignacio Urigüen Irontec Taldeko zuzendari nagusiak.
Konpainia estatu mailan aritzen da batez ere, baina epe ertainean Europan hedatzea bere nahia da. Fagor, Iberdrola, Euskaltel, Eroski edo Deustuko Unibertsitatea bezalako bezero nabarmenekin, ordezkaritza txiki bat du Madrilen, erkidego horretan eta beste batzutean, adibidez Katalunia, zabaltzeko asmoarekin.
Irontecek parte hartu duen azken proiektuetako bat Bilboko Udalarentzat gauzatu da. ‘Zibersegurtasuna herritarrentzat’ du izena, eta Udalaren WiFi sarera konektatzen diren erabiltzaile guztien babesa hobetzea du helburu. Gainera, zibersegurtasunaren arloan herritarrak trebatzea du xede bezala. Horretarako, on line prestakuntzako plataforma bat sortu da, teknologia eta zibersegurtasuna ezagutzen ez duten pertsonentzat oso erabilgarriak diren multimedia-edukiekin. Halaber, zibersegurtasunaren arloan, Irontecek presentzia nabarmena izango du ekainean sektoreko bi ekitaldi garrantzitsuetan: BeDIGITAL-BIEMH eta Euskalhack.
Irontecek Telefonicarekin batera landu duen beste proiektu bat Eroski Taldearen komunikazioak berritzeko izan da. Horrez gain, Solarpack enpresarentzako ekimen batean, kontratazio-plataforma digital bat garatu du.
Hurrengo urrats gisa, konpainiak estatuko eta eskualdeko merkatuan finkatu nahi du, euskal industria-sareari lagunduz eta I+G+Bn inbertituz, produktu eta zerbitzu teknologiko berriak garatu ahal izateko. “Profesionalizazioa eta espezializazioa dira gure oinarriak etengabe eta modu iraunkorrean hazten jarraitu ahal izateko”, amaitu du Ignacio Urigüenek.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Gazteen, 50 urtetik gorakoen eta desgaitasuna duten pertsonen kontratazioa eta laneratzea bultzatu du Euskal Enplegu…
«Neure burua aukeratzen dut, kea albo batera uzten dut» lelopean, erretzeari uzteak osasunerako dakartzan onurei…
Liburutegi digital publikoak 165.000 mailegu baino gehiago egin ditu 2025ean, eta erabilera indartu da herritarren…
Barakaldoko Udalak harrera egin zien atzo 2023ko eta 2024ko EPEetan eskainitako plazen bidez hirira iristen…
Segurtasuna Koordinatzeko Batzordeak 2025eko Vitoria-Gasteizko delinkuentzia-datuen bilakaera eta Udaltzaingoak eta Ertzaintzak intzidentzia handiena duten eremuetan…
Justizia eta Giza Eskubideen sailburuak Memoria Demokratikoaren Lurralde Kontseiluko bileran parte hartu du gaur Justizia…