Gobernu Kontseiluak onartu du Onkologikoa Euskal Osasun Zerbitzuan, Osakidetzan, behin betiko integratzeko hitzarmena sinatzea.
Hitzarmen horren bidez egituratuko da Onkologikoa izeneko osasun-zentroa Euskadiko Osasun Sisteman integratzeko prozesua. Prozesu hori gauzatuko da Euskal Autonomia Erkidegoko 2024ko ekitaldirako aurrekontu-legearen xedapen gehigarrian ezarritakoa aplikatuz egingo den dekretuan ezarritakoaren arabera.
Horrela, osatuko da 1988an, Euskal Osasun Zerbitzuak Institutu Onkologikoarekin egindako ituna bere gain hartu zuenean, hasi zen prozesua. Itun horren ondoren, Osakidetzako pazienteentzako onkologia-zerbitzuen kontratazioa arautzeko sinatutako beste itun batzuk etorri dira eta horiek jada Osasun Sailarekin sinatu dira. Ondoren, onkologia-asistentziaren funtzionamendu integratuagoa ahalbidetuko zuen harreman-eredua aldatzeari ekin zitzaion, pazienteei zerbitzu hobea eskaintze aldera.
Osasun Planean islatzen denaren ildotik, Osasun Sailak, paziente onkologikoen eta haien senideen arretan inplikatuta dauden osasunaren arloko adituen eta profesionalen aholkularitzarekin, 2018-2023 aldirako Euskadiko Onkologia Plana prestatu zuen. Plan horretan definitutako asistentzia-ereduak diziplina anitzeko ikuspegia du, eta pazienteen premia globalei erantzungo dien tratu humanizatua du ardatz. Plan horren helburua da, halaber, diagnostikorako denborak murriztea eta esku-hartze konplexuenak erreferentziazko unitateetan metatzea, behar den esperientzia bildu ahal izan dadin.
2018ko abenduan sinatu zen bi ospitale-egituren funtzionamendu integratua ikuspegi operatibo eta funtzionaletik errazteko lotura-hitzarmena. Akordio horren indarraldia orain amaitzen da, eta Onkologikoa izeneko osasun-zentroa Euskadiko Osasun Sisteman behin betiko integratzeko prozesuari bide ematen zaio.
Ertzainek hiru pertsona, bi gizon eta emakume bat, atxilotu dituzte Sestaon, Barakaldoko supermerkatu batean indarkeria…
24_0280 Gernika-Lumoko taberna baten arduraduna atxilotu dute droga-trafikoagatik Gernika-Lumoko taberna baten arduraduna atxilotu dute droga-trafikoagatik…
Mabel Lozanok, Leire Berasaluzek eta Olaya Garciak, gai horretan dokumentazioaren, zuzenbidearen eta soziologiaren arloko adituek,…
Clara Campoamorrek ikasleek hiriko kutsaduraren aurkako konponbideak proposatuz egindako argazkien erakusketa hartuko du ostiral honetara…
Akroyoga tailerrak egingo dira familian, emozioen maneiua, hilekoa, gorputz artea, meditazio gidatua, kaligrafia artistikoa mindfullness…
Oiartzungo ETE bat da Saizarlan, eta proiektu berritzaile batean ari da lanean, kartoizko kaxen plastikozko…