Gobernu Kontseiluak gaur onartu du 2024an osasunaren arloko profesionalen etengabeko prestakuntzarako jarduerak antolatzen dituzten irabazi asmorik gabeko elkarteentzako eta erakundeentzako laguntzak deitzeko Gotzone Sagardui Osasun sailburuaren Agindua.
Jarduerak zuzenduko dira bilakaera zientifikoaren eta teknologikoaren aurrean osasunaren arloko profesionalen ezagutzak, trebetasunak eta jarrerak eguneratzera eta hobetzera eta osasunaren arloko ikerketa sustatzera. Hauek dira dirulaguntza jaso dezaketen formatuak: biltzarrak, sinposioak, jardunaldiak, mintegiak, hitzaldiak, ikastaroak eta lantegiak.
Eusko Jaurlaritzako Osasun Sailak guztira 79.409 euro jarriko ditu aurten laguntza-ildo zehatz horretarako. Laguntza horiek osasun-langileen trebakuntza sustatzeko jardueren barruan daude —Eusko Jaurlaritzaren osasun-politiken ardatz estrategikoetako bat—.
Zehazki, agindua EHAAn argitaratu eta hilabeteko epean eskatu ahal izango diren laguntzak erabiliko dira, batetik, Euskadin osasunaren arloko profesionalen artean jarduera zientifikoaren prestakuntza- eta hedapen-jarduerak antola daitezen finantzatzeko, eta, bestetik, osasunaren arloko langileei prestakuntza eta eguneratze teknikoa ematen dieten edo ikerketa sustatzen duten elkarte eta erakunde horien funtzionamendua finantzatzeko.
Ertzainek hiru pertsona, bi gizon eta emakume bat, atxilotu dituzte Sestaon, Barakaldoko supermerkatu batean indarkeria…
24_0280 Gernika-Lumoko taberna baten arduraduna atxilotu dute droga-trafikoagatik Gernika-Lumoko taberna baten arduraduna atxilotu dute droga-trafikoagatik…
Mabel Lozanok, Leire Berasaluzek eta Olaya Garciak, gai horretan dokumentazioaren, zuzenbidearen eta soziologiaren arloko adituek,…
Clara Campoamorrek ikasleek hiriko kutsaduraren aurkako konponbideak proposatuz egindako argazkien erakusketa hartuko du ostiral honetara…
Akroyoga tailerrak egingo dira familian, emozioen maneiua, hilekoa, gorputz artea, meditazio gidatua, kaligrafia artistikoa mindfullness…
Oiartzungo ETE bat da Saizarlan, eta proiektu berritzaile batean ari da lanean, kartoizko kaxen plastikozko…