Osakidetzak lizitaziora atera ditu Galdakao-Usansoloko Unibertsitate Ospitaleko kanpo-kontsulten eraikin berriaren obrak; guztira, 150 milioi euroko inbertsioa egin da eraikin berria eraikitzeko, aparkalekua egiteko eta kanpoaldeak egokitzeko. Urrats horrekin, proiektu konplexu eta asmo handiko batean aurrera egiten da, ospitalea bere osotasunean modernizatzeko, asistentzia-premia berrietara egokitzeko eta espazio askoz irisgarriago eta gizatiarrago bihurtzeko.
Eraikin berriak 58.000 m²-ko azalera izango du 9 solairutan banatuta. Eraikina 3 eremu handitan bereiziko da. Lehena asistentzia-erabilerarako eremua izango da eta bertan kokatuko dira kanpo-kontsultak, erradiologia anbulatorioa eta farmazia anbulatorioa. Bigarren eremuan, zuzendaritza- eta administrazio-eremuak eta irakaskuntza-gelak egongo dira, eta, azkenik, eraikinak 1.129 plazako aparkaleku handi bat izango du 5 solairutan, egungo aparkatze-arazoari erantzungo diona. Aparkalekuko plaza horiekin eta Metroaren 5. linea bertaraino iristearekin (Ospitalean bertan geralekua izango du), barruko trafikoa larrialdi- eta logistika-ibilgailuetara mugatuko litzateke, bide-segurtasunaren eta ingurunearen humanizazioaren alde.
Eraikinak 185 metroko luzera eta 34 metroko zabalera izango ditu ekialdetik mendebaldera, eta hegoaldeko fatxadak, ospitaleko gainerako esparrura orientatuta, oinezkoentzako sarbide bereiziak antolatzea ahalbidetuko du, bi eraikinak pasabide baten bidez lotuz.
Maila asistentzialean, kanpo-kontsultetarako eraikin berrian 200 gela baino gehiago egongo dira kontsultak eta probak egiteko, eta 5 gela balio anitzeko prozeduretarako, urologiatik eta dermatologiatik hurbil. Era berean, erradiologia-eremuak 2 mamografia-gela, 2 teleaginte-gela, 2 TAC-gela eta 6 ekografia-gela izango ditu. Alde horretatik, eraikin hori diseinatzean aintzat hartu den malgutasuna nabarmendu behar da, behar berrietara egokitzeko aukera ematen baitu, bai diseinu- eta eraikuntza-prozesuan, bai gainerako balio-bizitzan.
Era berean, azpiegitura berri horri esker, egungo ospitaleko eraikin nagusian espazioak libre geratuko dira, eta, hala, etorkizunean, endoskopia-eremua zabaldu eta egokitu ahal izango da, bronkoskopiarako eta arnas-errehabilitaziorako pneumologiako ospitale-eremua handitu ahal izango da, edo larrialdi-zerbitzua handitu ahal izango da. Gainera, kardiologia-zerbitzua bateratzea, eguneko ospitale medikoa handitzea, beste ospitalizazio-unitate bat gaitzea eta logistikako beste arlo batzuk hobetzea aurreikusten da.
24_0290 Euskadiko Larrialdi Zerbitzuek Txindoki mendian istripua izan duen mendizale bat erreskatatu dute Euskadiko Larrialdi…
Bilboko noranzkoan zihoazen lau ibilgailuk istripu multiplea izan dutenean gertatu da istripua. Zortzi pertsona zauritu…
24_0288 Ortuella, Ertzaintzak eta Udaltzaingoak bi gazte atxilotu dituzte herritar bati mugikor bat indarrez lapurtzeagatik…
Ertzaintzako agenteek 19 urteko gazte bat atxilotu dute gaur goizaldean Villabonan, arma zuriz egindako lesioen…
24_0286 Bilbo, Ertzaintzak pertsona bat atxilotu, beste bat ikertu eta beste 15i espedienteak ireki dizkie…
24_0285 Ertzaintzak GI-636 errepidean, Errenterian, heriotza eragin duen istripuaren lekukoak eskatzen ditu Ertzaintzak GI-636 errepidean,…