Ertzainek hiru pertsona, bi gizon eta emakume bat, atxilotu dituzte Sestaon, Barakaldoko supermerkatu batean indarkeria erabiliz lapurreta egitea leporatuta. Inplikatuek, establezimenduko langileek harrapatu egin zituztela konturatu zirenean, piperbeltz-espraia bota zuten ihes egin ahal izateko.
Atzo, asteazkena, 17:40 aldera gertatu zen Barakaldoko supermerkatu batean. Bi gizon establezimenduan sartu ziren eta oliba-olioa zuten hainbat ontzi hartu eta larrialdietarako aterantz joan ziren, establezimendutik ordaindu gabe irteteko asmoz. Establezimenduaren kanpoaldean emakume bat zuten zain martxan zegoen auto batean, lapurtutako produktuekin ihes egiteko.
Dirudienez, larrialdietako atea blokeatuta zegoen, eta supermerkatuko langileek ustekabean harrapatu zituzten bi inplikatuak. Bi gizonek horietako batzuk kolpatu zituzten eta bultza ere egin zieten, eta piperbeltz-espraia erabili zuten ihes egiteko, lapurtu nahi zuten salgaia bertan utzita. Esprai narritagarriaren ondorioz, establezimendua hustu egin behar izan zuten, eta merkataritza-jarduna etenda geratu zen.
Delituaren berri izan ondoren, Ertzaintzaren patruilak bertaratu ziren supermerkatura, eta ustezko hiru lapurrak zeramatzan autoaren bila hasi ziren. Autoa Sestaon atzeman zuten, eta, beharrezko frogaketak egin ondoren, hiru bidaiariak, bi gizon eta emakume bat, indarra erabiliz lapurreta egiteagatik atxilotu zituzten. Autoaren eta hiru pertsonen prebentziozko miaketan, agenteek, erabilitako espraiaz gainera, arma zuri batzuk, zehazki, bi labana, aizto bat, aizkora bat eta kuter bat, eta makila luzagarri bat eta zurezko makila bat aurkitu zituzten. Arma horiek edukitzeagatik, dagozkien HSL espedienteak ireki dizkiete. Auto barruan produktu kosmetikoak zituzten kaxa batzuk, ustez beste establezimendu batetik lapurtutakoak, ere aurkitu zizkieten, eta horien legez kanpoko jatorria ere ikertzen ari dira, beraz.
Hiru atxilotuek aurrekariak dituzte lapurretengatik eta ebasketengatik, eta agintari judizialaren eskuetan jarriko dituzte Ertzain-etxeko eginbideak amaitzean.
26_0292 Euskadiko Larrialdietako Zerbitzuek mendizale bat erreskatatu dute Legazpin Euskadiko Larrialdietako Zerbitzuek mendizale bat erreskatatu…
Ertzainek, Villabonako Udaltzaingoaren laguntzaz, 26 urteko gazte bat atxilotu zuten atzo arratsaldean Villabonan bertan, merkataritza-establezimendu…
Egitarau zabala antolatu da Alderdi Ederren, zaleen gune nagusian eta bi pantaila erraldoi jarriko dira…
Zumarraga, Urretxu, Legazpi, Antzuola eta Ezkio-Itsasoko udalerrietako gizarte-, ekonomia- eta erakunde-eragileetako ia 30 ordezkarik parte…
Imanol Pradales Lehendakariak Red Eléctrica de España-ko ordezkariak hartu ditu Lehendakaritzan. Bileran, halaber, Mikel Jauregi…
Ertzainek 45 urteko gidari bat atxilotu dute gaur goizean Sopelan bide-segurtasunaren aurkako delitu bat leporatuta,…