Gaurko (ostirala) istripu aipagarriena gaur arratsaldean gertatu da, Bergaran, bi ibilgailuk elkar jo eta bi gidariak zauritu ostean. Kolpearen ondorioz, ibilgailuetako batek su hartu du eta Ertzaintzako agenteek su-itzalgailuak erabili behar izan dituzte sua itzaltzeko.
Ezbeharra arratsaldeko hiruretan gertatu da, GI-627 errepidean, Gipuzkoako Bergara parean. Bi autok aurrez aurre talka egin dute, eta bi ibilgailuetako gidariak, gizon bat eta emakume bat, barruan harrapatuta geratu dira. Ertzainak berehala bertaratu dira, eta bi anbulantzia eta suhiltzaileak bertaratzeko eskatu dute, ibilgailuetako batek su hartu baitu.
Une larria ikusita, agenteek su-itzalgailuak erabili dituzte sua itzaltzeko eta zaurituetako bati ibilgailutik irteten laguntzeko. Aldi berean, suhiltzaileek beste autoaren barruan harrapatuta geratu den bigarren pertsona atera dute.
Istripuaren ondorioz, bidea itxi egin da eta zirkulazioa ondoko errepideetatik desbideratu da. Zaurituak Txagorritxu eta Arrasateko ospitaleetara eraman dituzte, eta istripua izan duten ibilgailuak kendu eta bidea garbitu ondoren, errepidea berriro ireki dute arratsaldeko bostak hamar gutxitan.
Lekukoak eskatzen ditugu
Ertzaintzak Zumarragako Trafiko Unitatearekin harremanetan jartzeko eskatu die istripua ikusi dutenei, 943539119 telefono-zenbakira deituta.
26_0292 Euskadiko Larrialdietako Zerbitzuek mendizale bat erreskatatu dute Legazpin Euskadiko Larrialdietako Zerbitzuek mendizale bat erreskatatu…
Ertzainek, Villabonako Udaltzaingoaren laguntzaz, 26 urteko gazte bat atxilotu zuten atzo arratsaldean Villabonan bertan, merkataritza-establezimendu…
Egitarau zabala antolatu da Alderdi Ederren, zaleen gune nagusian eta bi pantaila erraldoi jarriko dira…
Zumarraga, Urretxu, Legazpi, Antzuola eta Ezkio-Itsasoko udalerrietako gizarte-, ekonomia- eta erakunde-eragileetako ia 30 ordezkarik parte…
Imanol Pradales Lehendakariak Red Eléctrica de España-ko ordezkariak hartu ditu Lehendakaritzan. Bileran, halaber, Mikel Jauregi…
Ertzainek 45 urteko gidari bat atxilotu dute gaur goizean Sopelan bide-segurtasunaren aurkako delitu bat leporatuta,…