Ertzainek gizon bat atxilotu dute goizaldean Erandion giza hilketaren saiakuntza-delitua leporatuta, bere autoarekin motozikleta baten gidaria jotzeagatik eta nahita egin duela aitortzeagatik.
Gaur, asteazkena, goizaldeko hamabiak aldera, errepideak zaintzeko lanetan ari zen Ertzaintzaren Trafiko Unitateko patruila batek ikusi du Erandioko errepide batean zihoan auto bat aurretik zuen motorretik oso gertu zegoela. Une horretan, bi ibilgailuek bihurgune bat hartu dute, eta patruilaren ikuseremutik desagertu dira.
Jarraian, agenteek zarata handia entzun dute, eta ibilgailuek hartutako norabidean joan dira eta bi ibilgailuek talka egin dutela ikusi dute. Motor-gidaria lurrean etzanda ikusi dute, motozikletaren ondoan, eta handik metro batzuetara gidaria autotik aterata.
Agenteak autoaren gidariarengana hurbildu dira, eta honek aitortu die motozikleta nahita jo duela. Hori dela eta, giza hilketaren saiakuntza-delitua leporatuta atxilotu dute.
Motor-gidaria anbulantzian eraman dute osasun-zentro batera, eta atxilotua, 35 urtekoa, Erandioko Ertzain-etxera eraman dute, eta bertan polizia-eginbideak bete ondoren, agintari judizialaren eskuetan jarri dute.
Ertzaintzak gizon bat atxilotu du Aretxabaletan droga-trafikoko delitu bat egotzita. Atxilotua patinete batekin zihoala atzeman…
26_0336 Detenido por intento de homicidio a su pareja en Donostia / San Sebastián Gizon…
Ertzaintzak ikertzen ari zen eta makuluak zituen pertsona bati, laguntzeko itxurak eginez, 6.000 euro lapurtu…
Ertzainek bi gazte atxilotu dituzte Arabako hiriburuan, indarkeria erabiliz egindako lapurreta-saiakuntza bana leporatuta. Lapurretetako bat…
Ertzaintzak Arabako hiriburuan adineko gizon bati lapurreta egin zion gizonetako bat atxilotu du. Biktimari bere…
La Ertzaintza ha arrestado en Irun a dos hombres acusados de los delitos de hurto…