Ertzaintzak 37 urteko gizon bat atxilotu zuen atzo, asteartea, goizaldean, Galdakaon (Bizkaia), lapurreta egiteko asmoz gazte batzuengana hurbiltzeagatik, eta horietako bati lesioak eragin zizkion ukondoan.
Joan den astearte goizaldean, Galdakaoko herrigunean zegoen Ibaizabalgo Ertzain-etxeko patruila batek bi gizon borrokan ikusi zituen. Zer gertatzen zen galdezka hurbildu zirenean, inplikatuetako batek agenteei esan zien beste inplikatua berari eta bere lagunei lapurreta egiten saiatu zela, eta bere lagunetako bat zaurituta zegoela. Hori dela eta, agenteek egitateen ustezko egilea identifikatu zuten.
Patruila, identifikatutako gizonarekin batera, zauritua eta gainerako gazteak zeuden lekura hurbildu zen, eta horiek berretsi zioten atxikita zuen gizona haiengana hurbildu zela eta euren gauzak emateko eskatu ziela. Antza denez, haietako bat miatzera hurbildu zenean, aurre egin zion, eta elkarren aurka indarka ari zirela ustezko lapurrak hankatik heldu eta lurrera bota zuen. Horrek lesioak eragin zizkion ukondoan, eta anbulantzian eraman behar izan zuten Galdakaoko ospitalera.
Horregatik guztiagatik, 37 urteko gizona indarkeria erabiliz lapurreta egitea eta lesioak eragitea leporatuta atxilotu zuten, eta, polizia-eginbideak amaitzean, agintari judizialaren eskuetan jarri zuten.
Ertzaintzak gizon bat atxilotu du Aretxabaletan droga-trafikoko delitu bat egotzita. Atxilotua patinete batekin zihoala atzeman…
26_0336 Detenido por intento de homicidio a su pareja en Donostia / San Sebastián Gizon…
Ertzaintzak ikertzen ari zen eta makuluak zituen pertsona bati, laguntzeko itxurak eginez, 6.000 euro lapurtu…
Ertzainek bi gazte atxilotu dituzte Arabako hiriburuan, indarkeria erabiliz egindako lapurreta-saiakuntza bana leporatuta. Lapurretetako bat…
Ertzaintzak Arabako hiriburuan adineko gizon bati lapurreta egin zion gizonetako bat atxilotu du. Biktimari bere…
La Ertzaintza ha arrestado en Irun a dos hombres acusados de los delitos de hurto…