Atzo eguerdian, Ertzaintzako agenteek 32 urteko gizon bat atxilotu zuten, segurtasun-enpresa bateko dirua biltzeko furgoneta batean dirua lapurtzeagatik.
Lapurreta joan den ekainaren amaieran gertatu zen, Arabako hiriburuan. Segurtasun-enpresa bateko langileak dirua biltzen ari ziren hainbat establezimendutan, eta, ibilbideko puntu batean, gizon batek ibilgailuaren atzeko atea manipulatu eta poltsa bat lapurtu zuen.
Lapurrak aprobetxatu zuen langileetako bat establezimenduaren barruan zegoela bere lana egiten, eta gidaria ibilgailuaren barruan zegoela, lankidearen zain. Gidariak furgoiaren atzeko atetik hots handi bat entzun eta lapurra ikusi zuenean, haren atzetik irten eta geldiarazi egin zuen. Biak borrokan aritu ziren, baina, azkenean, lapurrak harrapakinarekin ihes egitea lortu zuen.
Gertakarien berri Ertzaintzari eman ondoren, ikerketaz arduratzen diren agenteek hainbat ikerketa egin zituzten, eta ustezko egilea identifikatu eta atxilotu zuten.
Atxilotuak polizia-aurrekariak ditu antzeko gertakariengatik, eta epailearen esku utzi dute gaur goizean.
26_0292 Euskadiko Larrialdietako Zerbitzuek mendizale bat erreskatatu dute Legazpin Euskadiko Larrialdietako Zerbitzuek mendizale bat erreskatatu…
Ertzainek, Villabonako Udaltzaingoaren laguntzaz, 26 urteko gazte bat atxilotu zuten atzo arratsaldean Villabonan bertan, merkataritza-establezimendu…
Egitarau zabala antolatu da Alderdi Ederren, zaleen gune nagusian eta bi pantaila erraldoi jarriko dira…
Zumarraga, Urretxu, Legazpi, Antzuola eta Ezkio-Itsasoko udalerrietako gizarte-, ekonomia- eta erakunde-eragileetako ia 30 ordezkarik parte…
Imanol Pradales Lehendakariak Red Eléctrica de España-ko ordezkariak hartu ditu Lehendakaritzan. Bileran, halaber, Mikel Jauregi…
Ertzainek 45 urteko gidari bat atxilotu dute gaur goizean Sopelan bide-segurtasunaren aurkako delitu bat leporatuta,…