Atzo arratsaldean, ertzainek 27 urteko gazte bat atxilotu zuten Gipuzkoako hiriburuan, turista bati telefono mugikor bat eta bi banku-txartel lapurtzeagatik, eta beste bi, 23 eta 38 urtekoak, txartel horiek Gros inguruko dendetan erabiltzeagatik.
Atzo, larunbata, arratsaldeko lehen orduan, Ertzaintzako zenbait agenteri Donostiako Gros auzora joateko eskatu zieten. Han, establezimendu bateko langileek bi gazte banku-txartelekin kopuru txikiko erosketak egiten ari zirela eta susmagarria iruditu zitzaien. Zalantzak zirela eta, haietako bati dokumentazioa eskatu zioten, eta berehala alde egin zuen lokaletik, zalapartaka eta ezer erosi gabe.
Ertzaintzari informazioa eman ondoren, ertzainek ustezko egileen ezaugarri fisikoekin bat zetozen hiru gazte aurkitu zituzten. Horrenbestez, txartelak erabili zituzten bi gazteak bertan atxilotu zituzten, ustezko iruzur-delitu bat egotzita. Hirugarrenak ez zeraman inolako dokumentaziorik, eta ertzain-etxera eraman zuten identifikatzeko.
Ertzain-etxean lapurretaren biktima ere bazegoen, agenteek berreskuratutako txartelak jasotzera joan zena. Une horretan, telefono mugikorra eta txartelak lapurtu zizkiola identifikatu zuen, eta agenteek atxilotu egin zuten.
Agentes de la Ertzaintza detuvieron ayer en Zumaia a dos hombres, ambos de 31 años…
26_0295 Bi ikertu eta 35 identifikatu dituzte Galdakaoko eraikin bat hustean Bi ikertu eta 35…
Erasoa goizaldean gertatu da, jai-eremuan, eta adingabe bat zauritu dute sabelean, arma zuri batekin eraso…
26_0292 Euskadiko Larrialdietako Zerbitzuek mendizale bat erreskatatu dute Legazpin Euskadiko Larrialdietako Zerbitzuek mendizale bat erreskatatu…
Ertzainek, Villabonako Udaltzaingoaren laguntzaz, 26 urteko gazte bat atxilotu zuten atzo arratsaldean Villabonan bertan, merkataritza-establezimendu…
Egitarau zabala antolatu da Alderdi Ederren, zaleen gune nagusian eta bi pantaila erraldoi jarriko dira…