C. Velak osatutako eta Yone Estivarizek eta Sara Berasalucek koordinatutako epaimahaiak aukeratu du BAFFEST 2024 Argazkilarien Lehiaketaren IX. edizio honetako irabazlea. Irabazleak 600 euroko saria jasoko du, baita 2025eko edizioan komisariatutako bakarkako erakusketa bat ere, jaialdiaren ekoizpenarekin.
Saritutako lanari dagokionez, epaimahaiak nabarmendu duenez «poetikaren eta hausnarketa filosofikoaren eta ikerketaren arteko fusioa. Fernanda del Barrioren lanak atentzioa ematen du hainbat alderditatik: bere argazkien sinpletasuna, aipatzen duen kontzeptua konplexua izan arren, hutsa; bere argazkien eraikuntza arkitekturarekin eta performancearekin elkarrizketan; diskurtsoaren eta irudien koherentzia; eta hain gai kontzeptuala izan arren, egileak transmititzeko duen erraztasuna, xehetasun guztiak pentsatu eta zaindu dituelako… edizioa, sekuentzia, diseinua».
Oro har, lehiaketako lan guztien maila altua dela azpimarratu du epaimahaiak. Carmen Dalmau komisario eta bozeramailearen hitzetan, «gero eta zailagoa da aukeratzea, argazkilariek maila handiko lan aurkezten dituztelako. Azkenik, Fernanda del Barriok Txapela irabazi du egindako lan bikainari esker, oso
interesgarria». Era berean, parte-hartzaile guztien inplikazio-maila eta lanen bilakaera prozesuaren fase guztietan nabarmendu ditu.
Irabazleak esan du «oso pozik eta hunkituta» dagoela sariarekin, «esperientzia ikaragarria izan da, antolakuntza lana izugarria da, esker onez nago», eta eskerrak eman ditu «jaialdiak beste artista batzuk ezagutzeko eman didan aukeragatik, haiekin konektatu bainaiz, eta orain lagunak baitira», eta parte-hartzaile guztien lanak balioesteko aprobetxatu du.
«HUTSA BETETZEKO ENTSEGUAK»
Fernanda Del Barrio Orendain (Mexiko, 1995) Zineman Komunikazioan Lizentziatua da, Arte Ikasketetan Diplomatua Mexiko Hiriko UIAn eta Argazkigintza Garaikideko Masterra EFTIn. Bere praktika artistikoan, argazkigintza eta arte-ekintzak erabiltzen ditu hutsa eta distantzia bezalako gai existentzialak kontzeptualizatzeko
Del Barriok «Hutsa betetzeko entseguak» lanaren bidez, hutsaren kontzeptua birformulatu nahi da¡u, ez betiko falta-egoera gisa, betiereko posibilitate-egoera gisa baizik. Horrela, hutsari esker, edozein espaziotan ikus daiteke zentzumen berriak izateko duen ahalmena.
Ertzaintzak, Gernikako Udaltzaingoarekin lankidetzan, 43 urteko gizon bat atxilotu du kalean aparkatuta zeuden bi ibilgailutatik…
Ertzaintzak gizon bat atxilotu du gaur, Gipuzkoako hiriburuko ostatu batean balkoitik eskalatuz sartu eta telefono…
Ertzainek 26 urteko gizon bat atxilotu dute hilaren hasieran Arabako hiriburuan emakume bati indarkeriaz egindako…
Barakaldoko Udalak Liburuaren Eguna ospatzen du udal liburutegiek azken urtean izan duten hazkunde nabarmenari balioa…
Sari ospetsu honen bitartez, aitortu da Donostialdeko ESIk terapia aurreratuko medikamentuak maneiatu eta prozesatzeko egiten…
Ertzaintzak, Oñatiko Udaltzaingoaren laguntzarekin, 51 urteko gizon bat atxilotu du, joan den ostiralean udalerri horretan…