Ertzaintzako agenteek gizon bat atxilotu dute gaur goizaldean Bilboko Irala auzoko garaje komunitario batean aparkatuta zeuden hainbat ibilgailu eta hainbat partzela behartzea egotzita. Handik gutxira, patruila batek susmagarria aurkitu du ondoko patio batean.
Lapurreta saiakera goizaldeko ordu biak eta hamarretan izan da, Bilboko Irala auzoan. Lekuko batek Ertzaintzaren patruila bati deitu dio, garaje komunitario batetik zetozen zaratak zirela eta. Lapurreta bat izan zitekeelakoan, polizia bertaratu da eta garajearen barrualdea ikuskatu du.
Patruilak egiaztatu duenez, bi auto eta motozikleta bat bortxatuta zeuden, eta itxitako zenbait partzelek sarraila manipulatuta zuten. Gainera, hainbat objektu patio batera sartzeko eskailera baten ondoan pilatuta zeudela ikusi dute. Agenteak kanpora atera dira, eta gizon bat lurrean etzanda aurkitu dute, lo zegoelako itxurak egiten.
Susmagarriak zeramatzan zapatilek eta arropek garaje barruko hauts zuri baten arrastoak zituzten. Hori dela eta, froga horiek ikusita, agenteek atxilotu egin dute.
45 urteko atxilotuak aurrekariak ditu, eta ertzain-etxera eraman dute. Polizia-eginbideak amaitutakoan, epailearen esku jarriko dute datozen orduetan.
Ertzaintzak, Gernikako Udaltzaingoarekin lankidetzan, 43 urteko gizon bat atxilotu du kalean aparkatuta zeuden bi ibilgailutatik…
Ertzaintzak gizon bat atxilotu du gaur, Gipuzkoako hiriburuko ostatu batean balkoitik eskalatuz sartu eta telefono…
Ertzainek 26 urteko gizon bat atxilotu dute hilaren hasieran Arabako hiriburuan emakume bati indarkeriaz egindako…
Barakaldoko Udalak Liburuaren Eguna ospatzen du udal liburutegiek azken urtean izan duten hazkunde nabarmenari balioa…
Sari ospetsu honen bitartez, aitortu da Donostialdeko ESIk terapia aurreratuko medikamentuak maneiatu eta prozesatzeko egiten…
Ertzaintzak, Oñatiko Udaltzaingoaren laguntzarekin, 51 urteko gizon bat atxilotu du, joan den ostiralean udalerri horretan…