Asteartean, azaroak 26, Euskal Herriko Unibertsitateak Errektoretzarako hauteskundeetako bozketak egingo ditu. Unibertsitate Sistemaren Lege Organikoa aplikatuz (44.3 artikulua), agintaldiak, lehen aldiz, sei urteko iraupena izango du, luzaezinak eta berriztaezinak.
Errektorea unibertsitateko autoritate akademiko gorena da. Unibertsitate-komunitateak aukeratzen du, zuzeneko hautaketaren eta sufragio unibertsal aske, sekretu eta haztatuaren bidez. Hau da, unibertsitateko kolektibo bakoitzari boto-ehuneko bat esleitzen zaio, eta, beraz, hautagai-zerrenda bakoitzak jasotako babesak ere ehunekotan adierazten dira. Ehuneko horiek honako hauek dira: 1) Lotura iraunkorra duten irakasle doktoreak: % 56,25; 2) Lotura iraunkorra duten irakasle ez-doktoreak eta lotura iraunkorra ez duten irakasle eta ikertzaile doktoreak: % 8; 3) Beste irakasle eta ikertzaileak: % 1,59; 4) Ikasleak: % 22,08; eta 5) Kudeaketa eta Administrazio eta Zerbitzuetako teknikariak: % 12,08.
Hauteskunde hauetan, deitutako 50.590 pertsonak honela banatzen dira: 2.326 lotura iraunkorra duten irakasle doktoreenak dira; 1.649 lotura iraunkorra duten irakasle ez-doktoreenak eta lotura iraunkorra ez duten irakasle eta ikertzaile doktoreenak; 1.801 beste irakasle eta ikertzaileenak; 42.837 ikasleenak; eta 1.977 Kudeaketa eta Administrazio eta Zerbitzuetako teknikarienak.
Botoa 9:00etatik 18:00etara eman ahal izango da. Irakasleek eta ikasleek beren ikastetxeetan emango dute botoa, eta Kudeaketako eta Administrazioko eta Zerbitzuetako teknikariek campuseko hiru errektoreordetzetan eta Bilboko Ingeniaritza Eskolan eta Ekonomia eta Enpresa Fakultatean (Sarriko).
Guztira 99 hauteskunde-mahai osatuko dira, eta eskuzko 1.000 hautestontzi baino gehiago izango dituzte. 242.000 boto-paper eta 65.000 gutun-azal inprimatu dira. Horiek guztiak birziklatzeko jasoko dira.
Gainera, UPV/EHUko hainbat fakultatek eta eskolek Ikastegiko Batzarrerako hauteskundeak egiten dituzte: Hezkuntza, Filosofia eta Antropologia Fakultateak, Hezkuntza eta Kirol Fakultateak (Egoitzaren Batzordea eta Atalaren Batzordea ere aukeratuko dituzte), Farmazia Fakultateak, Letren Fakultateak, Lan Harremanen eta Gizarte Lanaren Fakultateak (Egoitzaren Batzordea eta Atalaren Batzordea ere aukeratuko dituzte), Bilboko Ingeniaritza Eskolak eta Gasteizko Ingeniaritza Eskolak.
Hauteskundeen emaitzak
Aurreikuspenen arabera, 20:30ean, Bizkaia Aretoko Mitxelena gelan, UPV/EHUko idazkari nagusi Aitor Zurimendik, Hauteskunde Batzordeko idazkari gisa, errektorearen hautaketaren behin-behineko emaitzak emango ditu, jendaurreko agerraldian. Harekin batera, Joxerramon Bengoetxea eta Eva Ferreira hautagaiak egongo dira, eta adierazpenak egingo dituzte.
Ekitaldia streaming bidez jarraitu ahal izango da: http://ehutb.ehu.eus/bizkaia-aretoa-mitxelena
Hauteskunde-egunean zehar ez da aurreikusi horren garapenari buruzko inolako daturik aurreratzea.
Ertzaintzak, Gernikako Udaltzaingoarekin lankidetzan, 43 urteko gizon bat atxilotu du kalean aparkatuta zeuden bi ibilgailutatik…
Ertzaintzak gizon bat atxilotu du gaur, Gipuzkoako hiriburuko ostatu batean balkoitik eskalatuz sartu eta telefono…
Ertzainek 26 urteko gizon bat atxilotu dute hilaren hasieran Arabako hiriburuan emakume bati indarkeriaz egindako…
Barakaldoko Udalak Liburuaren Eguna ospatzen du udal liburutegiek azken urtean izan duten hazkunde nabarmenari balioa…
Sari ospetsu honen bitartez, aitortu da Donostialdeko ESIk terapia aurreratuko medikamentuak maneiatu eta prozesatzeko egiten…
Ertzaintzak, Oñatiko Udaltzaingoaren laguntzarekin, 51 urteko gizon bat atxilotu du, joan den ostiralean udalerri horretan…