24_0651 Santurtzi, ibilgailu baten leihatilatik kilo erdi haxix bota dituzte Ertzaintzaren patruila batek geldiarazi dituenean
Servicio de prensa
2024-11-29
Ertzaintzako agenteek 33 eta 34 urte bitarteko lau gizon atxilotu zituzten atzo arratsaldean, osteguna, Santurtzin, droga-trafikoko delitu baten ustezko egileak direlakoan. Inplikatuak ibilgailu batean zihoazen, eta leihatila batetik bostehun gramo haxix zituen poltsa bat bota zuten patruila bat ikusi zutenean.
Atzo arratsaldeko zazpiak eta hogei aldera, Muskizko ertzain-etxeko dotazio batek, Santurtziko Peñota auzoan herritarrak babesteko eginkizunak betetzen ari zela, ibilgailu bat modu aldrebesean eta itxuraz norabide argirik gabe zihoala ikusi zuen. Gauzak horrela, patruilak beste hiru lagun zeramatzan autoko gidariari esan zion gertuko aparkaleku batera eramateko, identifikatzeko.
Aipatutako aparkalekura sartu bezain laster, ertzainak ohartu ziren ibilgailuaren barrutik poltsa bat jaurtitzen ari zirela leihatiletako batetik. Bertan, ustez haxixa den substantzia marroi baten bost tableta zeudela egiaztatu ondoren, guztira bostehun gramokoak, laurak atxilotu zituzten droga-trafikoaren ustezko delitu bat egotzita.
Atxilotuetako bati arropen artean hainbat substantzia zeramatzaten beste bilgarri batzuk ere atzeman zizkioten. Atxilotuak epailearen aurrean aurkeztuko dira, polizia-eginbideak amaitu ondoren.
25_0773 Ertzaintzaren Zaintza eta Erreskate Unitateko Mendi Taldeak Mungiako Tallu Mendizale Kirol Klubeko mendiko larrialdi-lantegian…
Bilboko Ertzain-etxeko Ondarearen Arloko Delitu Informatikoen Atalak 4.988,29 euroko iruzur bat blokeatu du. Iruzurgileek, telefono-dei…
Iaz, guztira, Ertzaintzako 444 agente jubilatu ziren, 391 gizon eta 53 emakume. Segurtasun Sailak omenaldia…
25_0770 Euskadiko Larrialdietako Zerbitzuek Oiartzunen, Arditurri meatze-gunean, istripua izan duen mendizale bat erreskatatu dute Euskadiko…
25_0769 Santurtziko taberna baten arduraduna atxilotu dute drogarekin trafikatzeagatik Santurtziko taberna baten arduraduna atxilotu dute…
Ertzaintzak 14, 17 eta 18 urteko hiru gazte atxilotu ditu urrian Bilbon adingabe bati indarkeria…