Juan Carlos Abascal: «Garai aldaketa batean bizi gara, erronka askorekin»

Lurralde Plangintza eta Hiri Agendako sailburuordeak ‘Euskadi eta hiri jasangarriak’ hitzaldiari amaiera eman dio: Gure Hiri Agenda, klima-aldaketaren aurreko erresilientzia eta inklusioa

«Garai aldaketa bat bizi dugu, erronka askorekin, hala nola ongizatea, jasangarritasuna eta berdintasun eraginkorra eta erreala, gero eta zaharragoa den gizarte baten arreta edo justizia soziala sustatuko duten hiriak eta hiri-inguruneak sortzeko beharrarekin», ziurtatu du gaur goizean Juan Carlos Abascal Eusko Jaurlaritzako Lurralde Plangintzako eta Hiri Agendako sailburuordeak.

‘Euskadi eta hiri jasangarriak’: Gure Hiri Agenda, klima-aldaketarekiko erresilientzia eta inklusioa izeneko konferentziaren amaiera ekitaldian, Abascalek onartu du irtenbideak ez direla soilik «hirigintzakoak, ekonomikoak, ingurumenekoak edo sozialak», baizik eta «erronka konplexuentzako irtenbide konplexuak». Gaineratu duenez, «espezializazio adimenduna behar da, eta gero eta garrantzitsuagoa da erakunde arteko lankidetza eta lankidetza publiko-pribatua eta epe luzerako ikuspegia».

Ildo horretan, sailburuordeak azaldu du Euskadiko Hiri Agenda tresna bat dela, «jarduteko modu horretan koherentea izan nahi duena, ikuspegi integraleko estrategia bat eta 2050erako horizontea duena, eta Euskadiko hiri-inguruneetan jasangarritasuna sustatzeko tresna pragmatiko bihurtu dena».