Eusko Jaurlaritzak «Euskadi Bonu Jasangarriaren» bederatzigarren jaulkipena egin du gaur —700 milioi euroko balioa izango du, hamar urtetara—.Eskariak nabarmen gainditu du eskaintza, eta guztira 5.645 milioi eurora iritsi da.
“Euskadik rating-agentzia nagusiek emandako rating bikain baten pribilegioa duenez gero, arrakasta handiz merkaturatzen da, aurrez egindako jaulkipen guztietan gertatu ohi zaigun bezala. Eta jasangarritasun-zigilua edukitzeak, gainera, arlo jasangarrietan soilik inbertitzen duten inbertitzaileek gure bonuei erreparatzea erraztu du”, aditzera eman du Noël d’Anjou Ogasun eta Finantzetako sailburuak, eta erantsi du emaitza horrek Eusko Jaurlaritzaren kaudimena erakusten duela.
Oraingo jaulkipenean BBVA, Banco Santander, Caixabank, Credit Agricole, HSBC, Kutxabank Investment e ING finantza-entitateek parte hartu dute. Kutxabank Investment izan da eragiketaren Global Coordinator.
Eragiketa horrek inbertitzaileen babes sendoa erakusten du, 10 urterako % 3,25eko kupoi finkoarekin —orain arte lortutako Altxorrarekiko diferentzial txikiena markatu du—.Gobernuak kanpo-merkatuan kokatzeko egin duen apustuari jarraipena eman zaio, eta % 69 nazioarteko inbertitzaileen esku geratu da (Alemania izan da lehen herrialde inbertitzailea, eta, ondoren, Erresuma Batua, Portugal, Luxenburgo, Belgika eta Frantzia). Estatuko inbertitzaileek % 24,3 hartu dute eta Euskadikoek % 6,7. Horrela, Eusko Jaurlaritzak bonu jasangarrien merkatuaren garapenean zeregin garrantzitsua betetzeko asmo sendoarekin jarraitzen du, baita Euskadiren ingurumen, ekonomia eta gizarte arloko erronkei aurre egiteko finantzaketa arduratsua eta eraginkorra sustatzeko asmoarekin ere.
2018ko maiatzean, 500 milioi euroko jaulkipenarekin, hasi zen prozesu baten bederatzigarren jaulkipena da. Horretarako, jaulkipen horren aurretik, Ogasun eta Finantza Sailak zenbait lan-bilera egin zituen inbertitzaileekin.
Ondorengo urteetan, eta beti eskaintza baino eskari handiagoarekin, bonu jasangarrien jaulkipen hauek egin ziren:
Gaurkoarekin, asteazkena, bederatzi jaulkipenen zenbateko globala 5.700 milioi eurokoa da.
IRATI AIZPURUA Nafarroako Museoko kaperak Maite Leyun eskultore nafarraren erakusketa bat hartuko du datorren urteko…
Nafarroan, mendekotasunerako sistemak indartzen jarraitu du 2024an, Foru Komunitatea pertsonako gastuaren buruan jartzen duten adierazleekin.…
Nafarroako Gobernuak 2025ean 635.000 euro bideratuko ditu laneratzeko zailtasun bereziak dituzten pertsonak kontratatzea sustatzeko; hala…
Nafarroako Gobernuak, gaurko bilkuran, Iruñerriko Mankomunitateari 14.533.513,40 euroko diru-laguntza baimentzea onartu du, Eskualdeko Hiri Garraioa…
Nafarroako Gobernuak, gaurko bilkuran, foru dekretu bat onartu du, Foru Komunitatean helduentzako Oinarrizko Hezkuntzaren antolamendua…
MIGUEL OSES ‘Navarra Ambassadors’ Industria eta Enpresen Trantsizio Ekologikorako eta Digitalerako Departamentuak, Nafarroako Nazioarteko Planaren bidez,…