Datorren astelehenetik aurrera 60 kirol jarduera baino gehiagoren artean aukeratu ahal izango da uda honetan praktikatzeko
Donostiako Udalak, Donostia Kirolaren bitartez, udako kirol jardueren ‘UDA-25’ kanpaina aurkeztu du, kanpaina honetan parte hartzen duten hiriko 31 kirol erakundeek prestatu dituzten jardueren eskaintza zabalarekin. Ikastaroak ekainaren 23an hasi eta irailaren 7an amaituko dira.
Eskaintza bi talde handitan banatuta dago:
- 16 urte arteko ikasleei zuzendutako jarduerak
- gazteei eta helduei zuzendutakoak, bestetik
Kanpaina honetan gehien eskatzen diren jarduerak kirol anitzekoak, surfa, igeriketa, tenisa eta piraguismoa izaten dira. Logikoa denez, itsasoarekin egindako jarduerek, hala nola surfak, bodyboardek, SUPek eta abarrek, eskari handia dute garai honetan, parte hartzaile guztien laurdena baitira.
Izena emateko sistema
Azken urteetako inskripzio sistema mantentzen da, bi fase desberdinekin.
- Lehenbiziko fasea aurretiko izen-eamtea maiatzaren 5etik 8ra eginen da, biak barne. Fase honetan, pertsona bakoitzeko aurreinskripzio bakarra onartuko da ikastaro berean, baina pertsona berak lau ikastaro desberdinetan eman ahal izango du izena gehienez. Taldean ere egin ahal izango dira aurreinskripzioak, eta gehienez ere lau pertsona onartuko dira ikastaro bakoitzerako. Taldeko aurreinskripzio horiek zenbaki bakarrarekin hartuko dute parte zozketan, eta horren emaitzak taldeko kide guztiak berdin lotuko ditu.Aurreinskripzio horiek www.donostiakirola.eus webgunearen bidez egitea gomendatzen da, baina zerbitzu hori ezarri duten erakundeetan ere aurrez-aurre egin ahal izango dira.
Egindako aurreinskripzio guztiek maiatzaren 9an egingo den zozketan parte hartuko dute, eta astebeteko epea izango dute ordainketa egin eta izena eman dutela baieztatzeko.
- Bigarren fasea maiatzaren 26an hasiko da, eta egun horretatik aurrera zuzenean eman ahal izango da izena plaza libreak dauden ikastaroetan. Zuzeneko inskripzio hori online ere egin ahal izango da www.donostiakirola.eus webgunearen bidez, edo aurrez aurre klub eta erakunde antolatzaile bakoitzaren bulegoetan.