Gustoko 2026ko martxoan egingo duen 6. edizioa prestatzen ari da

Elikaduran eta gastronomian erreferentea den azoka, Gustoko, 2026ko martxoko bigarren astean egingo da BECen. Bertako eta artisau-produkzioa babesteko filosofiari jarraituz, azokak autonomia-erkidego guztietako eta beste herrialde batzuetatik iritsitako ekoizleak bilduko ditu, eta kalitate handiko gastronomia maite duen publikoa erakarriko du. Baina Gustoko ez da erakusleiho hutsa; izan ere, gastronomia, kultura, berrikuntza eta tradizioa uztartzen dituen ikuspegitik elikadura ulertzeko modua ere bada. Hori dela eta, bisitariei erosteko aukera eskaintzeaz harago doa hitzordua; izan ere, produktu bakoitzaren atzean dagoen prozesua eta hori posible egiten dutenak gertutik ezagutzeko esperientzia proposatzen du.

Gustoko publiko orokorrari zein profesionalari dago zuzenduta (ostalaritza, hornitzaileak, espezializatutako komertzio txikiak edo azalera handiak). Hain zuzen ere, ostiral goiza profesionalei zuzenduta egongo da konexioak eta sinergiak errazteko asmoz eta, bertan, elikaduraren sektoreko profil estrategikoekin open meetings delakoen programa egingo da.

Proposamena osatzeko, Gustokok jardueren agenda oparoa izango du azokak iraungo duen hiru egunetan. Hala, bertaratzen direnek dastaketak, showcookingak, tailerrak eta produktu-aurkezpenak izango dituzte. Horiek guztiak erakusketa-enpresek eta erakunde laguntzaileek antolatuko dituzte.

Aurreko edizioek izandako harrera onak bultzatu du aurtengo ediziorako prestatzen ari diren eszenaratzea. 2024an, azokak ia 15.000 bisitari jaso eta 220 enpresa erakusketari baino gehiago bildu zituen. Zifra horiek, beraz, agerian uzten dute egutegi gastronomikoan ezinbesteko hitzordu gisa betetzen duen rola.

Gainera, aurreko edizioan hasitako bokazio sozialarekin aurrera jarraituta, Gustokok, beste behin, bere enpresa erakusketarien artean helburu soziala duten proiektuak gehituko ditu. Elikadura eta lan-munduratzea, jasangarritasuna edo tradizioa berreskuratzea uztartzen dituzten ekimenak dira, eta bisitariek gertu-gertutik ezagutu ahal izango dituzte azokara egiten duten bisitan.

Gustoko Bilbao Exhibition Centrek antolatzen du, eta Bizkaiko Ostalaritza Elkartearen eta Bilboko Ostalaritzako Goi Eskolaren laguntza izango du, sektoreko partner gisa. Bestalde, erakunde mailako partnerrak izango dira hauek: Bizkaiko Foru Aldundia, HAZI, Bilboko Udala eta Eusko Jaurlaritzako Elikadura, Landa Garapen, Nekazaritza eta Arrantza Saila.