25_0663 Emakume bat atxilotu dute Urretxun, bikotekideari arma zuri batekin erasotzeagatik
Servicio de prensa
2025-10-06
Ertzaintzako agenteek emakume bat atxilotu dute gaur arratsaldean, etxeko indarkeriaren esparruan hilketa saiakera egotzita, Urretxuko etxebizitza batean bikotekideari arma zuri batekin eraso egiteagatik. Biktima ospitalera eraman behar izan dute.
Arratsaldeko seiak inguruan Ertzaintzari jakinarazi diote liskarra izan dela Urretxuko etxebizitza batean. Herritarrak babesteko Deba Urolako ertzain-etxeko patruilak bertaratu dira, eta gizon bat aurkitu dute lepoan eta lepauztaian arma zuriz egindako zauriekin. Berehala, osasun-zerbitzuak eskatu eta biktima artatu dute. Azkenean, Donostia Ospitalera eraman dute, egoera egonkorrean eta arriskutik kanpo.
Egindako lehen ikerketen arabera, bikote baten arteko eztabaida baten ondoren, etxean bertan zegoen emakumeak, arma zuri batekin eraso egin dio gizonari, aipatutako lesioak eraginez. Ustezko egilea, 59 urteko emakumea, atxilotu egin dute giza hilketa saiakera egotzita. Ustezko erasotzaileak ere ustez gizonezkoak eragindako kolpe batzuk ditu. Hori dela eta, gizonezkoari genero-indarkeriako ustezko delitu batengatik ikertu gisa eginbideak ireki zaizkio.
Ertzaintzak polizia-ikerketekin jarraitzen du gertakariak argitzeko.
Ertzainek 45 urteko gidari bat atxilotu dute gaur goizean Sopelan bide-segurtasunaren aurkako delitu bat leporatuta,…
El Consistorio bilbaino lanza esta oferta con la doble finalidad de apoyar a las familias…
El Tribunal Superior de Justicia del País Vasco ha respaldado la decisión de Forum Sport…
El Lehendakari Imanol Pradales ha encabezado hoy en Lehendakaritza una recepción oficial a los deportistas…
La Ertzaintza ha detenido en Irun a un hombre de 29 años y procedencia magrebí,…
El deporte de invierno guipuzcoano ha tenido un protagonismo especial en la recepción ofrecida por…