Euskadiko Larrialdi Zerbitzuek Gorbeiako Parke Naturalean istripua izan duen txirrindulari bat erreskatatu dute

Euskadiko Larrialdi Zerbitzuek Gorbeiako Parke Naturalean istripua izan duen txirrindulari bat erreskatatu dute

Gaur, igandea, arratsaldean, Euskadiko Larrialdi Zerbitzuak Arabako Sarria ingurura joan dira, Gorbeiako Parke Naturalaren barruan, 55 urteko txirrindulari bat erreskatatzeko. Biktima «Altube» bidezidor egiten ari zenean erori egin zen, pagadi artetik doan baso-pista batean. Ertzaintzaren helikoptero batek, Zaintza eta Erreskate Unitateko Mendi Ataleko kideekin, biktima erreskatatu eta beste ebakuazio-puntu batera eraman du. Bertan, Osakidetzaren helikopteroa zegoen zain, eta zauritua ospitalera eraman dute.

Gaur arratsaldeko ordu biak eta laurden aldera, mendizale batek Sos Deiak-112 Larrialdietako Koordinazio Zerbitzuari deitu dio, Gorbeiako Parke Naturalean txirrindulari bat lurrean aurkitu duenean, konorterik gabe, istripua izan ondoren. Dirudienez, zikloturistak erorikoa izan zuen «Altube» egiten ari zenean. Pagadi artetik doan baso-pista bat da, eta Sarria inguruan (Araba) dagoen Gorbeiako Interpretazio Zentrotik abiatzen da.

Eusko Jaurlaritzako Larrialdiei Aurregiteko Zuzendaritzako teknikari batek larrialdi-zerbitzuak bidali ditu bertara, besteak beste, suhiltzaileen baliabide bat eta zenbait osasun-baliabide biktimari laguntzeko. Azkenik, Ertzaintzaren helikoptero batek, Zaintza eta Erreskate Unitateko Mendi Ataleko agenteekin, zikloturista erreskatatu eta ebakuatu du. Zikloturista espainiar nazionalitateko 55 urteko gizon bat da, eta ebakuazio-gune batera eraman du. Bertan, biktima behin betiko ospitalera eraman duen Osakidetzako aireontziaren zain zegoen.