Ertzaintzako agenteek 30 urteko gizon bat atxilotu dute gaur goizaldean Donostian, bide publikoan aparkatutako 17 ibilgailutan kalteak eragiteagatik. Gehienek kalteak zituzten atzerako ispiluetan.
Gaur, osteguna, goizaldeko 03:00ak baino minutu batzuk geroago, Ertzaintzari jakinarazi diote gizon bat Donostiako Aiete auzoko Bera Bera pasealekuan aparkatuta zegoen ibilgailu bat behartzen saiatzen ari zela.
Herritarren Babeserako patruila batek pertsona bat aurkitu eta identifikatu du auto baten ondoan. Auto horrek atzerako ispilua aterata, haizetako-garbigailu bat aterata eta bestea bihurrituta zituen. Ertzainek bertan identifikatu duten gizona seinalatu dute, kalteak eragin dituelakoan.
Polizia-agenteek inguruan aparkatuta zeuden gainerako ibilgailuak aztertu dituzte, eta egiaztatu dute beste hamabost autok eta motozikleta batek hainbat kalte zituztela. Autoen kasuan, denek zuten atzerako ispiluren bat kaltetuta, eta motozikleta lurrera bota zuen.
Bertan egiaztatutako gertakariak ikusita, agenteek atxilotu egin dute ustezko egilea, jatorri latinoamerikarrekoa, kalte-delitu bat egotzita. Ertzain-etxeko eginbideak amaitutakoan, atxilotua Donostiako Guardiako Epaitegiaren esku utziko dute.
Ertzaintzak gizon bat atxilotu du gaur goizean, bikotekide ohiari sexu-erasoa egitea eta labanaz mehatxu egitea…
Ertzaintzako agenteek, Bermeoko Udaltzaingo laguntzarekin, bi gizon atxilotu zituzten atzo herri horretan, arma zuriz egindako…
Kalean da 2026ko lehen sei hilabetekoari dagokion Modelo Aretoko programazioa. Ohi bezala, antzerkia, musika, dantza…
Zarauzko Udaleko Berdintasun Sailak Martxoaren 8a, Emakumeen Nazioarteko Eguna dela eta, 2026. urteko Kartel Lehiaketaren…
Hondarribiko erraldoiek jauzi egin dute kaleetatik ipuinen mundura. Erraldoi bizi-biziak izeneko haur-liburua aurkeztu du Hondarribiko…
Orain arte erabilitako ibilgailuek zortzi urtetik gorako antzinatasuna zuten eta egoera kaskarrean zeudenez, haiek ordezkatzea…