Jon Insausti alkateak 2026 urterako erronkak azaldu ditu

Jon Insausti Donostiako alkateak 2026. urteko erronka nagusiak azaldu ditu gaur goizean, Udaleko Gobernu Batzarraren aretoan komunikabideekin egindako gosari informatibo batean.

«Donostia donostiarrentzat. Barrurantz eraldatuko gara«. Horixe izan da alkatearen hitzaldia markatu duen ideia nagusia, eta azpimarratu du hiriak 2026a sendotasunarekin hasiko duela, batetik, baina baita exijentzia handiagoarekin ere. «Ez gara hutsetik abiatzen. Fasez aldatzen ari gara«, adierazi du.

Insaustik azaldu duenez, urteetan obra eta inbertsio handiak egin ondoren —eragozpen saihestezinekin —, Donostia aro berri batean sartu da orain: ahalegin hori eguneroko bizitzarako hobekuntza egiaztagarrian bihurtzean. «Egindako inbertsioak ongizate erreal, ikusgarri eta hurbil bihurtzea dagokigu«, adierazi du.

Oparotasun partekatua eta gizarte-kohesioa

Alkateak gogorarazi du Donostia dela gaur egun Europan bizi-kalitate onena duen hirietako bat, datuek bermatzen duten baieztapena. Langabezia-tasa % 6koa da, txikiena Euskadiko hiriburuetan eta Estatuko hiriburuetan. Hiriak 15.000 enpresa baino gehiago ditu erregistratuta, eta garapen ekonomikorako eta ikerketarako munduko 200 hiri erakargarrienen taldean dago. «Hiri oparoa da, kalitatezko enplegua sortzen du, eta ziurtasuna eta konfiantza sortzen ditu etorkizuneko inbertsioetarako» amaitu du.

Azpimarratu duenez, indar ekonomiko horrek politika publiko sendoak eta gizarte-kohesioa dakartza. «500 milioi euro inguruko aurrekontua onartu dugu, hiriaren historiako sozialena: 40 milioi gizarte-politiketarako, Donostiako lau familiatik bati arreta emateko, urtean 37 milioi bidaiatik gorako garraio publikoa eta bizikidetzaren ardatz izaten jarraitzen duen kultura- eta kirol-jarduerak, urtean 7.000 ekitaldi baino gehiagorekin«.

2026rako funtsezko erronkak: etxebizitza, segurtasuna eta mugikortasuna

Indarguneekin batera, alkateak argi adierazi ditu hiriaren erronka nagusiak. Lehenengoa, etxebizitza. «Gaur egun arazo handienetako bat da, eta gai horretan azeleratu egingo dugu«, adierazi du. Helburua da 2027an 2.300 etxebizitza berri baino gehiago abian jartzea hiri-garapen desberdinetan, 100 milioi eurotik gorako inbertsio mobilizatuarekin.

Garapen berriez gain, Udalak dagoeneko eraikita dagoen hiriaren gainean lan egingo du: bereizketak, erabilera-aldaketak, etxebizitzetarako lokalen aprobetxamendua eta erabilera turistikoko etxebizitzen kontrol zorrotza sustatuz.

Segurtasun arloan, Insaustik argi hitz egin du: «Donostia hiri segurua da, baina ez dugu ezinegona normalizatuko». Defendatu duenez, herritarren pertzepzioa errealitatearen parte da eta seriotasunez kudeatu behar da, Udaltzaingoaren eta Ertzaintzaren arteko koordinazioa indartuz, Euskal Poliziaren eredua sendotuz eta Egiako Komisaria berria bezalako mugarrietan aurrera eginez. Berrerortzearen aurreko irmotasuna ere azpimarratu du: «Ordena eta bizikidetza ez dira aukerakoak».

Hirugarren ardatz nagusia mugikortasuna da. Tren-azpiegitura berriak martxan jartzeak, Topoaren pasabidea elementu nagusitzat hartuta, «mugarri bat eta geroaldi bat» ekarriko ditu hiriaren egunerokotasunera.

Hiria egitea eta egunerokotasuna zaintzea

Alkateak azpimarratu du 2026an amaituko direla eguneroko bizitza zuzenean hobetuko duten funtsezko lanak, «hiria egiten» jarraitzeko beharra alde batera utzi gabe: polo ekonomikoak eta ekipamenduak non kokatuko diren erabakitzea, oinezkoentzako espazio atseginagoak nola irabazi eta nortasuna eta abangoardia nola orekatu erabakitzea.