Ertzainek 31 urteko gizon bat atxilotu zuten atzo, igandea, gauean, Arabako hiriburuan, indarkeria erabiliz lapurreta egiten saiatzea leporatuta. Atxilotua kalean zebilen biktimari telefono mugikorra kentzen saiatu zen, gas narritagarrizko esprai bat erabiliz.
Lapurreta-saiakera gaueko hamaikak baino lehentxeago gertatu zen Gasteizko Santa Luzia auzoan. Kalean oinez zihoan gazte bati gizon bat hurbildu zitzaion eta Salburua auzora nondik joan zitekeen galdetu zion. Beharrezko jarraibideak emanez erantzun ondoren, oinezkoak bere bidean jarraitu zuen.
Handik pixka batera, gizona korrika hurbildu zitzaion atzetik, eta jakatik helduta telefono mugikorra emateko esan zion. Une horretan, biak elkarren aurka indarka hasi ziren, eta biktimak ustezko lapurrarengandik askatzea lortu zuen. Gizonak piper-gasaren espraia atera eta begietara bota zion. Ikusmena kaltetuta, inguruan zeuden pertsona batzuengana hurbildu ahal izan zen, eta, horren ondorioz, erasotzaileak handik ihes egin zuen.
Partikular batek lagundu zion biktimari eta Ertzaintzari deitu zion, eta herritarren babeseko hainbat patruila mobilizatu zituzten. Agente jarduleek egiaztatu zuten begiak gorrituta eta lausotuta zituela, eta anbulantzia bat eskatu zuten, beraz.
Beste polizia-dotazio batek inguruan aurkitu zuen gizonaren deskribapen fisikoarekin bat zetorren pertsona bat. Azkenean, indarkeriaz lapurreta egiten saiatzea leporatuta atxilotu zuten, beharrezko frogaketak egin ondoren.
Zauritua, espainiar nazionalitateko 27 urteko gaztea, ospitalean artatu behar izan zuten.
Bestalde, magrebtar jatorriko 31 urteko atxilotua, batez ere jabetzaren aurkako delituengatik aurrekariak dituena, agintari judizialaren eskuetan jarri dute polizia-izapideak amaituta.
Ertzaintzak, Gernikako Udaltzaingoarekin lankidetzan, 43 urteko gizon bat atxilotu du kalean aparkatuta zeuden bi ibilgailutatik…
Ertzaintzak gizon bat atxilotu du gaur, Gipuzkoako hiriburuko ostatu batean balkoitik eskalatuz sartu eta telefono…
Ertzainek 26 urteko gizon bat atxilotu dute hilaren hasieran Arabako hiriburuan emakume bati indarkeriaz egindako…
Barakaldoko Udalak Liburuaren Eguna ospatzen du udal liburutegiek azken urtean izan duten hazkunde nabarmenari balioa…
Sari ospetsu honen bitartez, aitortu da Donostialdeko ESIk terapia aurreratuko medikamentuak maneiatu eta prozesatzeko egiten…
Ertzaintzak, Oñatiko Udaltzaingoaren laguntzarekin, 51 urteko gizon bat atxilotu du, joan den ostiralean udalerri horretan…