26_0297 Ertzaintzaren eta Udaltzaingoaren dispositiboa, Real Sociedad taldearen Kopako titulua ospatzeko

Guztira, 340 ertzain eta Donostiako Udaltzaingoa arduratuko dira segurtasunaz bihar, astelehena, Reale Arena estadioaren eta Udalaren arteko Gipuzkoako hiriburuko kale nagusiak zeharkatuko dituen kalejiran. 100.000 pertsona baino gehiago biltzea espero da, eta ibilbide hesituan jarriko dira, kopako titulua ospatzeko, ibilbidea autobus batean egingo duen taldearekin, baita Alderdi Eder parkean ere, udaletxeko balkoitik agurtzera ateratzen direnean.

Bihar astelehena, 18:00etatik 19:00etara, gutxi gorabehera, Realaren kalejira izango da, larunbatean Sevillan ospatutako Kopako finaleko garaipenaren ospakizuna dela eta.

Taldeak autobusez egingo du ibilbidea Reale Arena Estadioaren eta udaletxearen artean, Madril Etorbidetik, Antso Jakitunaren Etorbidetik, Urbieta Kaletik, Askatasunaren Hiribidetik, Okendo Kaletik eta Bulebarretik Alderdi Eder Parkeraino.

Ibilbidea hesituta egongo da ikusleen segurtasuna bermatzeko.

Ertzaintzaren aldetik, 250 kide arduratuko dira ospakizunak normaltasun osoz egiteaz, ekitaldiaren jai-giroaren barruan. Donostiako ertzain-etxeko, Brigada Mugikorraren Unitateko, Zaintza eta Erreskate Unitateko Aeronautika eta Uretako Ataletako, Lehergailuak Indargabetzeko Unitateko eta Esku Hartzeko Unitateko agenteek hartuko dute parte.

Udaltzaingoaren aldetik, 65 agentek eta 25 mugikortasun-agentek parte hartuko dute dispositiboan.