54.559 pertsonak eman dute botoa posta bidez apirilaren 21eko Eusko Legebiltzarrerako Hauteskundeetarako, 2016ko hauteskundeetan baino %14 (47.826) gehiagok, alderatzeko moduko azken urtea izanik; izan ere, 2020an, pandemia-egoerak baldintzatu zuen posta bidezko botoaren gorakada.
Zenbaki horiek Egoiliarren Hautesle Erroldan (EHE) inskribatuta dauden eta Euskadin edo aldi batez Euskaditik kanpora (ikasketak, Erasmus, nazioarteko bekak, aldi baterako lana, eta abar direla eta) bizi diren eta posta bidez bozkatu duten pertsonei dagozkie. Ez daude sartuta modu iraunkorrean atzerrian bizi diren pertsonak, Atzerriko Egoiliarren Hautesle Erroldaren (AEHE) botoa deitzen dena. Boto horiek datorren astean zehar joango dira iristen, hilaren 26ra arte. Egun horretan Lurralde Historikoko hauteskunde-batzordeek AEHE botoaren zenbaketa egingo dute Bilboko, Donostiako eta Gasteizko euren egoitzetan, eta datorren igandeko, hilaren 21eko, behin-behineko zenbaketari gehituko diote.
Posta bidezko botoak gorakada progresioa izan du 2012ko Eusko Legebiltzarrerako Hauteskundeetatik, eta herritarrek hauteskundeetan parte hartzeko modalitate horri, bai komenigarritasunagatik bai irisgarritasun-arrazoiengatik, eman dioten erantzun positiboa islatzen du horrek.
Hauteskunde-kanpainaren amaiera
Bestalde, gaur gauerdian amaituko da hauteskunde-kanpaina, alderdiek, koalizioek eta hautesle-elkarteek datozen 4 urteetan gobernatzeko proposamenak aurkezteko eta kontrastatzeko izan duten 15 eguneko aldia. Ordu horretatik aurrera, debekatuta egongo da herritarrei botoa eskatzea.
Gainera, astelehenetik, apirilaren 22tik, aurrera, hautagaitzak legez derrigortuta daude propaganda grafikoa kokatu zuten lekuetatik kentzera. Hauteskundeak egin eta hurrengo hamabost egunetan egin beharko dute. Hala egiten ez badute, udalek kenduko dituzte kartelak, baina lan horrek eragindako gastuak hautagaitza arau-hausleei jasanaraziko zaizkie.
Zarauzko Udalak Txukun Lorazaintza enpresari esleitu dio berriz ere udalerriko erreketan eta hezeguneetan pilatzen den…
Datorren asteburuan, maiatzaren 1, 2 eta 3an Zarautz Familia Giroan ekimenaren bostgarren edizioa ospatuko da,…
Hondarribiko Udalak, 2026ko udako denboraldiari begira, Europa Pasealekuan hiru izozki-postu jartzeko eta ustiatzeko baimena eskatzeko epea zabaldu…
Hondarribiko Udalak San Pedro kalean eta Beleztarren Markes kalean espazio publikoa irisgarriago egiteko lanak hasi…
350505 Nafarroako Gobernuak, Nafarroako Kirolaren eta Jarduera Fisikoaren Institutuaren bidez (INDAF), diru-laguntzen deialdi berri bat…
Nafarroako Osasun Publikoaren eta Lan Osasunaren Institutuak (NOPLOI) Altsasu, Etxarri Aranatz, Irurtzun eta Leitzako oinarrizko…