24_0277 Hiru atxilotu Donostian, arma zuriak erabiliz izandako liskar nahaspilatsu batean parte hartzeagatik
Prentsa Zerbitzua
2024-05-14
Ertzaintzak 29 urtetik 32 urtera bitarteko hiru gizon atxilotu ditu Gipuzkoako hiriburuan, liskar nahaspilatsuan parte hartzea leporatuta. Atxilotuek parte hartu duten borrokan aizkora bat eta labana bat erabili dituzte.
Borroka atzo arratsaldeko bostak eta laurdenean sortu zen Donostiako erdiguneko kale batean. Iskanbilaren berri izan zutenean bertaratu ziren Ertzaintzako polizia-baliabideek hainbat pertsona elkarri eraso egiten ikusi zituzten, inguruko terrazetako altzariak erabiliz.
Gehienek alde egin zuten polizia-autoa ikustean, baina hiruk borrokan jarraitu zuten agenteek tartean sartu eta banandu zituzten arte. Aldeen eta lekukoen bertsioa entzun ondoren, polizia-baliabideek hiru pertsonak atxilotu zituzten liskar iskanbilatsuan parte hartzearen delitua leporatuta.
Borrokaren lekukoen arabera, pertsona batzuek aizkora bat eta labana bat erabili zituzten, eta labana inguruko zakarrontzi batean aurkitu zuten gero.
Atxilotu guztiek polizia-aurrekariak dituzte, eta datozen orduotan jarriko dituzte agintari judizialaren eskuetan.
26_0292 Euskadiko Larrialdietako Zerbitzuek mendizale bat erreskatatu dute Legazpin Euskadiko Larrialdietako Zerbitzuek mendizale bat erreskatatu…
Ertzainek, Villabonako Udaltzaingoaren laguntzaz, 26 urteko gazte bat atxilotu zuten atzo arratsaldean Villabonan bertan, merkataritza-establezimendu…
Egitarau zabala antolatu da Alderdi Ederren, zaleen gune nagusian eta bi pantaila erraldoi jarriko dira…
Zumarraga, Urretxu, Legazpi, Antzuola eta Ezkio-Itsasoko udalerrietako gizarte-, ekonomia- eta erakunde-eragileetako ia 30 ordezkarik parte…
Imanol Pradales Lehendakariak Red Eléctrica de España-ko ordezkariak hartu ditu Lehendakaritzan. Bileran, halaber, Mikel Jauregi…
Ertzainek 45 urteko gidari bat atxilotu dute gaur goizean Sopelan bide-segurtasunaren aurkako delitu bat leporatuta,…