24_0648 Gizon bat atxilotu dute hilketa delitu batengatik, Gasteizko adinekoen egoitza batean beste pertsona bati eraso egiteagatik
Servicio de prensa
2024-11-28
Ertzaintzako agenteek 68 urteko gizon bat atxilotu dute, Arabako hiriburuko adinekoen zentro batean emakume baten hilketa egotzita. Biktima ospitalera eraman zuten erasoan eragindako zauri larrien ondorioz, eta bertan hil da.
Goizaldeko laurak pasata, Gasteizko egoitza batetik Ertzaintzari deitu diote, erabiltzaile batek beste egoiliar bati eraso egin diolako eta zauri larriak eragin dizkiolako. Herritarren babeserako patruilek egiaztatu dutenez, biktimak, emakume batek, aurpegian odola zerion zauriak zituen, objektu zorrotz batekin eragindakoak, antza. Anbulantzia bateko osasun-langileek lagundu diote emakumeari, eta Txagorritxuko ospitalera eraman dute. Han, heriotza baieztatu dute.
Agenteek adinekoen zentroko instalazioak ikuskatu dituzte, eta bilaketa-operatibo bat abiarazi dute hirian, handik ihes egingo zuelakoan. Azkenik, egoitzako aldagela bateko bainugela batean ezkutatuta aurkitu dute.
Gizona atxilotu egin dute, hilketa delitua egotzita.
Ertzaintzak zabalik du oraindik gertatutakoa argitzeko ikerketa.
25_0776 Euskadiko Larrialdi Zerbitzuek Gorbeiako Parke Naturalean istripua izan duen txirrindulari bat erreskatatu dute Euskadiko…
Ertzaintzako agenteek 35 urteko gizonezko bat atxilotu dute gaur, igandea, goizaldean Bilbon, Abando auzoan izandako…
25_0773 Ertzaintzaren Zaintza eta Erreskate Unitateko Mendi Taldeak Mungiako Tallu Mendizale Kirol Klubeko mendiko larrialdi-lantegian…
Bilboko Ertzain-etxeko Ondarearen Arloko Delitu Informatikoen Atalak 4.988,29 euroko iruzur bat blokeatu du. Iruzurgileek, telefono-dei…
Iaz, guztira, Ertzaintzako 444 agente jubilatu ziren, 391 gizon eta 53 emakume. Segurtasun Sailak omenaldia…
25_0770 Euskadiko Larrialdietako Zerbitzuek Oiartzunen, Arditurri meatze-gunean, istripua izan duen mendizale bat erreskatatu dute Euskadiko…