Ertzaintzak bi gizon atxilotu ditu Donostian etxebizitzetan lapurreta egitea leporatuta. Atxilotuei bitxiak, erlojuak, txanponak, mahai-tresneriak eta lapurretak egiteko erremintak aurkitu dizkiete autoan.
Herenegun, igandea, arratsaldeko bostak aldera, Donostiako Antiguo auzoan etxebizitzetako lapurretak prebenitzeko lanetan ari zen Ertzaintzako herritarren babeserako patruila batek bi gizon ikusi zituen bizitegi gune batean zelatan.
Agenteek bi gizonak identifikatu zituzten eta haien ibilgailua ikuskatu zuten, eta bertan eskumuturreko 17 erloju, bitxi ugari, bildumako txanponak eta zilarrezko mahai-tresneriak aurkitu zizkieten. Miaketa sakonagoa egitean, eta autoaren abiadura-palankaren azpian ezkutatuta, urrezko bitxi gehiago aurkitu zituzten plastikozko poltsa batean.
Gainera, lapurretak egiteko erremintak, linternak, kopeta-argiak, eskularruak eta prismatikoak ere aurkitu zituzten.
Horren guztiaren aurrean, identifikatutako bi gizonak atxilotu egin zituzten indarra erabiliz etxebizitzetan lapurreta egitea leporatuta. Atxilotuetako bati ere, dokumentuak faltsutzea egotzi diote.
Ertzaintzak ikerketa hasi du lapurtutako objektuen jatorria argitzeko.
Atxilotuak polizia-egoitzara eraman zituzten, eta, beharrezko eginbideak amaitu ondoren, agintari judizialaren eskuetan jarriko dituzte.
26_0292 Euskadiko Larrialdietako Zerbitzuek mendizale bat erreskatatu dute Legazpin Euskadiko Larrialdietako Zerbitzuek mendizale bat erreskatatu…
Ertzainek, Villabonako Udaltzaingoaren laguntzaz, 26 urteko gazte bat atxilotu zuten atzo arratsaldean Villabonan bertan, merkataritza-establezimendu…
Egitarau zabala antolatu da Alderdi Ederren, zaleen gune nagusian eta bi pantaila erraldoi jarriko dira…
Zumarraga, Urretxu, Legazpi, Antzuola eta Ezkio-Itsasoko udalerrietako gizarte-, ekonomia- eta erakunde-eragileetako ia 30 ordezkarik parte…
Imanol Pradales Lehendakariak Red Eléctrica de España-ko ordezkariak hartu ditu Lehendakaritzan. Bileran, halaber, Mikel Jauregi…
Ertzainek 45 urteko gidari bat atxilotu dute gaur goizean Sopelan bide-segurtasunaren aurkako delitu bat leporatuta,…