Ander Caballero: «Bahia Blancako euskal komunitatearekin harremanetan gaude eta behar den guztian laguntzeko prest»
Eusko Jaurlaritzak, Kanpo Harremanetarako eta Euskadi Globaleko Idazkaritzaren bitartez, laguntzak aktibatuko ditu Bahia Blancak Buenos Aires probintzian jasan duen denboralearen ondorioz euskal komunitateak izan ditzakeen berehalako beharrei erantzuteko.
Intentsitate handiko denborale batek Bahia Blanca hiria astindu zuen martxoaren 6an eta ondorengo egunetan eta, horren ondorioz, ehunka familia ebakuatu behar izan zituzten. Euskadiren Argentina eta Uruguaiko Ordezkaritzaren bidez lehen kontaktuak izan ondoren, euskal komunitatean izango duen eragina zehatz-mehatz ezagutzeko urratsak ematen ari dira. Kalteak aztertu eta gero, Kanpo Harremanetarako Idazkaritzak eta Euskadi Globalak zonaldeko euskal komunitatearen beharrei erantzuteko laguntzak aktibatuko dituzte Bahia Blancako Unión Vasca Euskal Etxearen bitartez.
«Egoera honen hasieratik Bahia Blancako euskal komunitatearekin harremanetan egon gara, eta prest gaude behar den guztian laguntzeko, kalteen norainokoaren zain», esan du Ander Caballero Eusko Jaurlaritzako Kanpo Harremanetarako idazkari nagusiak. «Euskaldunok beti eskaini diogu elkarri laguntza momento zailetan. Egoera txarretan ere, Euskadiren eta diasporaren arteko loturak indartzen ditugu», gaineratu du.
25_0776 Euskadiko Larrialdi Zerbitzuek Gorbeiako Parke Naturalean istripua izan duen txirrindulari bat erreskatatu dute Euskadiko…
Ertzaintzako agenteek 35 urteko gizonezko bat atxilotu dute gaur, igandea, goizaldean Bilbon, Abando auzoan izandako…
25_0773 Ertzaintzaren Zaintza eta Erreskate Unitateko Mendi Taldeak Mungiako Tallu Mendizale Kirol Klubeko mendiko larrialdi-lantegian…
Bilboko Ertzain-etxeko Ondarearen Arloko Delitu Informatikoen Atalak 4.988,29 euroko iruzur bat blokeatu du. Iruzurgileek, telefono-dei…
Iaz, guztira, Ertzaintzako 444 agente jubilatu ziren, 391 gizon eta 53 emakume. Segurtasun Sailak omenaldia…
25_0770 Euskadiko Larrialdietako Zerbitzuek Oiartzunen, Arditurri meatze-gunean, istripua izan duen mendizale bat erreskatatu dute Euskadiko…