Ertzaintzak gizon bat atxilotu du Bilbon, beste gizon bati iruzur eginez 5.000 euro kentzea leporatuta, kartulina zuriak garbitzeko kit bat erosita legezko billeteak lor zitzakeela sinetsarazi ondoren. Iruzur-mota hori “wash wash” edo “billete tindatuak” izenez ezagutzen da.
Gertakariak atzo, astelehena, 19:00ak aldera, hasi ziren Bilboko Iralabarri auzoko etxebizitza batean. Ustezko iruzurgileak, 48 urteko gizonak, biktima konbentzitu zuen dirutan 5.000 euro eman ziezaion legezko billete bihurtzeko hainbat produktu kimikoren eta kartulina zuriren truke.
Biktima, iruzurraz jabetu zenean, Bilboko geltoki intermodalera joan zen, eta bertan iruzurgilea taberna batean aurkitu zuen eta dirua itzultzeko eskatu zion. Bi pertsonak eztabaida beroan hasi ziren, eta Ertzaintzaren patruila bat bertaratu zen.
Ertzainek inplikatuak identifikatu zituzten, eta egiaztatu zuten ustezko iruzurgileak komunetako zakarrontzira bota zituela billete tamainako paper zuriak zituzten bi pakete, aluminiozko paperean bilduta. Gainera, gero egindako miaketan, paper zuriak ustez billete bihurtzeko ziren produktu kimikoak, likidoak eta hautsak aurkitu zizkioten eskuko maletatxo batean.
Horren aurrean, susmagarria iruzur-delitu bat leporatuta atxilotu zuten. Atxilotua, polizia-egoitzara eraman zuten zegozkion eginbideak irekitzeko, eta, horiek amaitu ondoren, agintari judizialaren eskuetan jarriko dute.
25_0776 Euskadiko Larrialdi Zerbitzuek Gorbeiako Parke Naturalean istripua izan duen txirrindulari bat erreskatatu dute Euskadiko…
Ertzaintzako agenteek 35 urteko gizonezko bat atxilotu dute gaur, igandea, goizaldean Bilbon, Abando auzoan izandako…
25_0773 Ertzaintzaren Zaintza eta Erreskate Unitateko Mendi Taldeak Mungiako Tallu Mendizale Kirol Klubeko mendiko larrialdi-lantegian…
Bilboko Ertzain-etxeko Ondarearen Arloko Delitu Informatikoen Atalak 4.988,29 euroko iruzur bat blokeatu du. Iruzurgileek, telefono-dei…
Iaz, guztira, Ertzaintzako 444 agente jubilatu ziren, 391 gizon eta 53 emakume. Segurtasun Sailak omenaldia…
25_0770 Euskadiko Larrialdietako Zerbitzuek Oiartzunen, Arditurri meatze-gunean, istripua izan duen mendizale bat erreskatatu dute Euskadiko…