Gizon bat atxilotu dute gaur Ordizian, agenteen aurkako atentatuagatik eta lesioengatik, hainbat pertsona polizia-patruilen aurka oldartu ostean. Bi ertzain ospitalean daude oraindik, jasandako lesioen ondorioz.
Gertakaria 00:18 aldera hasi da gaur, igandea, Ertzaintzaren patruilak Ordiziako Araba kalean hainbat pertsonen arteko borroka baten berri jaso eta bertaratu direnean.
Iritsi direnean, lehen patruila batek hiru gizon ikusi ditu kalean gora ihes egiten. Ertzainek atzetik jarraitu diete. Une horretan, beste pertsona batzuk hasi dira, ustez lehenengoen senideak, ertzainen lana oztopatzen hasi dira.
Pertsonen jarrera bortitzak tentsioa areagotu du bertan, eta gizonetako batek, bereziki oldarkor egon denak, atzetik jo du ukabilaz ertzain bat, eta lurrera erori da, konortea erdi galduta. Erasotzailea atxilotu egin dute agintaritzaren aurkako atentatuaren eta lesioen delitu batengatik, bitartean berarekin zeuden pertsonek polizia-baliabideen aurka egiten dute. Ertzainek beren defentsa-elementuak erabili dituzte erasoei aurre egiteko.
Deba Urolako eta Hernaniko ertzain-etxeetako patruilak laguntza ematera iritsi dira, eta egoera baretu egin da. Gertakariaren ondorioz, lau ertzain zauritu dira. Atxilotuak erasotutako agenteak lesioak ditu masailalbo-hezurrean, eta lepauztaia hautsita. Beste agente batek ukondoa dislokatutu du. Biak Zumarragako Ospitalera eraman dituzte. Beste bi ertzain Mutuan artatu dituzte.
Ertzaintza gertatutakoa ikertzen ari da, eta erasoetan inplikatutako gainerako pertsonak identifikatzen saiatzen ari da. Istiluetan, agenteek «bodycam» kamera pertsonalak aktibatu dituzte, eta horien irudiek gertatutakoa argitzen lagundu dezakete.
Atxilotuak aurrekari polizial ugari ditu, eta ertzain-etxean dago epailearen esku utzi arte.
26_0292 Euskadiko Larrialdietako Zerbitzuek mendizale bat erreskatatu dute Legazpin Euskadiko Larrialdietako Zerbitzuek mendizale bat erreskatatu…
Ertzainek, Villabonako Udaltzaingoaren laguntzaz, 26 urteko gazte bat atxilotu zuten atzo arratsaldean Villabonan bertan, merkataritza-establezimendu…
Egitarau zabala antolatu da Alderdi Ederren, zaleen gune nagusian eta bi pantaila erraldoi jarriko dira…
Zumarraga, Urretxu, Legazpi, Antzuola eta Ezkio-Itsasoko udalerrietako gizarte-, ekonomia- eta erakunde-eragileetako ia 30 ordezkarik parte…
Imanol Pradales Lehendakariak Red Eléctrica de España-ko ordezkariak hartu ditu Lehendakaritzan. Bileran, halaber, Mikel Jauregi…
Ertzainek 45 urteko gidari bat atxilotu dute gaur goizean Sopelan bide-segurtasunaren aurkako delitu bat leporatuta,…