Amaia Barredo, Gasteizko Santiagoko Nekazaritza eta Abeltzaintza Azokan

Amaia Barredok, Eusko Jaurlaritzako Elikadura, Landa Garapen, Nekazaritza eta Arrantza sailburuak, Gasteizko Unibertsitate Campusean egin den Santiagoko Nekazaritza eta Abeltzaintza Azokan parte hartu du. Bertan, aipamen berezia eskaini zaie mahatsarekin batera Arabako nekazaritza-ekoizpenaren buru diren zereal-sektorea osatzen dutenei.

Arabako Foru Aldundiak antolatutako azokan 38 ekoizlek eta dozenaka erakusketarik hartu dute parte, eta animalien erakusketa tradizionala eta nekazaritzako makineriaren erakusketa egin dira. Amaia Barredo erakusketa-gunean izan da, Ramiro Gonzalez Arabako ahaldun nagusiarekin eta Noemi Agirre Nekazaritzako foru diputatuarekin batera.

Ibilbidean, Amaia Barredok Lurralde osoko nekazari eta abeltzainak eta Arabako Errioxako Kuadrillako ordezkariak agurtu ditu, ardo eta olio mota ezberdinak erakutsi baitituzte. Halaber, lehen orduan, San Frantziskoko aldapan baratxuriak saltzen dituen gunea eta Erregearen Atea bisitatu ditu sailburuak.

Arabako zereal-sektoreak garia, garagarra eta oloa eskaintzen ditu labore nagusi gisa. Zereal uzta 300.000 tonatik gorakoa izan da kanpaina batzuetan. Uzta kalitate onekoa da, proteina eta hezetasun maila egokiak ditu, garian bereziki, eta garagarrean malta egiteko gaitasun ona du.

Eusko Jaurlaritzaren eta Aldundiaren zentro teknologikoek ikerketa eta garapen lan aurreratua egiten dute zereal eta labore estentsiboen barietate berriekin, lurraldeko eremu agroklimatikoetan egokitzapen agronomikoa eta alearen kalitatea hobetzeko.

Kutxa Jaia, Hondarribia

Amaia Barredok ere parte hartuko du gaur arratsaldean Hondarribian, Kutxa Jaian edo San Pedro Kofradiako botere banaketan. Karla Emazabel arrantzalearen alabak eramango du Kutxa. Okendoriren doinuan, segizioa Arrantzaleen Ermandadetik aterako da Jasokundearen eta Sagarrondoaren Parrokiaraino.