Kontsumobidek enpresa berriek Kontsumoko Arbitraje Sistemarekin konpromisoa hartzea lortu nahi du

Kontsumobide Kontsumoko Euskal Institutuak kanpaina bat hasi du enpresa berriak Arbitrajeko Euskal Sistemara atxiki daitezen. Kontsumoko Euskal Institutuaren helburua da 450 enpresa berri arbitrajera atxikitzea lortzea.

Urtero, kanpaina hau sektore desberdinetara bideratzen da. 2025ean, honako hauek dira Kontsumobideren xede-sektoreak:

• Akademiak eta ikastetxeak. Ibilgailuak gidatzeko autoeskolak.
• Bidaia-agentziak.
• Jarduera-zentroak (haurren urtebetetze-ospakizunak, ekitaldien antolatzaileak…)
• Etxetresna elektrikoen saltokiak eta laguntza teknikoko zerbitzuak.
• Eraikuntza-enpresak, igeltserotza, pintoreak, iragazgaizte-lanak, zurgintza eta metal-arotzeria, iturgintza, elektrizitatea, beirategiak… (sektoreko saltokiak, enpresak eta profesionalak).
• Garbiketa-enpresak (izurriteak…).
• Mezularitza-enpresak.
• Hotelak, ostatuak eta nekazalturismoak.
• Higiezinen agentziak eta aseguruak.
• Optikak, audifonoak eta ortopediak.
• Ile-apaindegiak eta estetika.
• Autoak, motozikletak eta bizikletak konpontzeko eta saltzeko tailerrak.
• Altzari-dendak. Tapiztegiak. Artisautza-dendak. Etxeko dekorazioa (sektoreko profesionalak eta dendak). Lanpara-dendak. Pertsianak. Leihoak.
• Ordenagailu-dendak, informatika, diseinu grafikoa eta telefonia.

Oraingo honetan, Kontsumobidek bere jarduera komertziala online garatzen duten enpresetan eragin nahi du bereziki.

Kontsumobideko zuzendari Tontxu Rodríguezek arbitrajearen bidearen garrantzia azpimarratu du: “kontsumo-gatazka baten aurrean, produktu edo zerbitzu bat saldu digunarekin desadostasuna sortzen bazaigu, arbitrajea da kontsumitzailearentzat sistemarik onena gatazka horien aurrean. Bizkorra, doakoa eta inpartziala da. Enpresentzat ere onurak eskaintzen ditu eta kalitatearekin eta pertsonekin duen konpromisoa indartzen du. Biziki gomendatzen diet arbitrajera atxikitzen diren enpresei eta atxikitako enpresak identifikatzen dituen bereizgarria bilatzen duten kontsumitzaileei”.

Kanpaina hiru euskal hiriburuetan eta hiru lurralde historikoetako herri jendetsuenetan egingo da. Gaur egun, 17.000 enpresa baino gehiago daude arbitraje-bideari atxikita.

Arbitraje-sistema gatazkak konpontzeko borondatezko sistema da, auzibidearen ordezkoa. Sistemara atxikitzea borondatezkoa da, baina arbitrajea onartu ondoren bere ebazpenak nahitaez bete behar baitira.