Ertzaintzako agenteek 57 urteko gizon bat atxilotu dute Laudion droga-trafikoaren delitua leporatuta, 55 gramo anfetamina sulfato edo speed aurkitu baitizkiote banako dosietan banatuta eta ustez saltzeko prestatuta, bai eta haxix zati bat eta 430 euro ere.
Atzo arratsaldeko zortziak aldera, Laudioko Areta auzoan herritarrak babesteko lanetan ari zen patruila batek ikusi zuen bi pertsona, haiek ikustean, berehala tren-geltokian sartu zirela.
Itxuraz agenteak saihestu nahi zituztela ikusita, polizia-dotazioa bi gizonengana hurbildu zen identifikatzeko asmoz. Biak urduri samar zeuden, eta, gainera, batek droga-trafikoagatik aurrekariak zituela egiaztatu zuten.
Azaleko miaketan egiaztatu zutenez, azken horrek, bere gauzen artean zeraman kaxa batean, hauts bat, speed, zuten 48 bilgarri zeramatzan, guztira 55 gramo. Horrez gainera, haxix-zati prentsatu bat eta, zenbateko ezberdinetako billetetan banatuta, 420 euro ere konfiskatu zizkioten, bai eta substantzia sorgorgarrien kontsumorako tresnak ere.
Droga zeraman pertsona, espainiar nazionalitateko 57 urteko gizona, droga-trafikoa leporatuta atxilotu zuten.
Gaur, asteartea, goizean, beharrezko polizia-eginbideak amaituta, atxilotua epailearen eskuetan jarri dute.
• Zaintza apirilaren 20tik 26ra bitartean indartuko da • 2025ean erregistratutako trafiko-istripuen %40an, distraituta edo…
Guztira, 340 ertzain eta Donostiako Udaltzaingoa arduratuko dira segurtasunaz bihar, astelehena, Reale Arena estadioaren eta…
26_0296 Ertzaintzak bi adingabe atxilotu ditu Sestaon, Santurtzin beste adingabe bati arma zuriz eraso egiteagatik…
Agentes de la Ertzaintza detuvieron ayer en Zumaia a dos hombres, ambos de 31 años…
26_0295 Bi ikertu eta 35 identifikatu dituzte Galdakaoko eraikin bat hustean Bi ikertu eta 35…
Erasoa goizaldean gertatu da, jai-eremuan, eta adingabe bat zauritu dute sabelean, arma zuri batekin eraso…